السلام عليكم أنا عايز نصيحه أنا متجوز من اجنبية اكبر مني ب٩ سنين و عايش بره معاها بقالي 10 سنين و ربنا فاتحها علينا و الحمد لله خير من وسع في بزنس مشترك و السبب ربنا و هي سابت بلدها الاصليه و روحنا جازفنا في بلد تانيه و بدأنا من الصفر حرفيا و الله سابت كل حاجه عشاني حرفيا و هي ست منتهي الاخلاق و بتحبني جدا و ساعدتني اني اساعد اهلي و اجوز اخواتي و اظبط بيت اهلي و بتعمل كل شيء أنا بحبه حرفيا مطيعه جدا و و الله ساعات بتصعب عليا من غلبها و نضافه قلبها و بجد انضف انسانه في الدنيا و علمتني النظام و كل شيء عن الحياه هنا و انا حنين جدا معاها و بحبها و بخاف عليها لأنها بجد ست وفيه جدا و انا كل شيء بالنسبة ليها .
ربنا ما رزقناش ب اطفال و عملنا عمـ،ـليات حقـ،ـن مجهري بس مفيش نصيب تقريبا في مشكله عندها في الرحم. و الله اعلم.
دلوقتي اهلي ضاغطين عليا عايزيني أطلق و انزل اتجوز من مصر عشان سني 36 و العمر بيعدي و اكون اب و اجيب اطفال و انتوا فاهمين تفكيرنا . أنا عرضت عليها الكلام قالت لي روح اتجوز في مصر و ما تسبنيش مليش غيرك و لا عايزه حد تاني غيرك !!
امي مصممه اني اسيبها و حاطه قدامي زعلها و انها مش عايزه تعمل حج و لا عمره غير لما اتجوز حاطه دي قدام دي.!
أنا فعلا حاولت الاقي حد في مصر يقبلني و انا متجوز بس الموضوع مش سهل بالنسبه لي و لا الانسانه اللي هتوافق عليا في مصر! بس حاولت سنه كامله مفيش حد راضي نواحينا كله عايزني مطلق.
دلوقتي أنا في حيره و الله العظيم بزنس و بيت و حياه و سفر هنا و هنا و كل سنه الحمد لله افضل من اللي قبلها و ست بتحبني، و لا اسيب كل ده عشان الاطفال و رضا امي و بنت أنا هتجوزها ما اعرفهاش و في مصر الوضع صعب كله بيبص انك معاك جنسيه اوروبيه و فلوس للاسف ناس كتير واخده موضوع الزواج بزنس بس.
اللي مر بتجربة مماثله او ممكن يديني نصيحه ربنا يجعلهاةفي ميزان حسناته.
اسف لو طولت السلام عليكم
–
الحمد لله رب العالمين
