السلام عليكم ،انا يا جماعه ليه اخت متجـ,ـوزه بقالها سته شهور واكتر شويه اخر مره جات تزورنا سمعتها بتشـ,ـتكي لأمي عن حاجه مقلقاها ومش عارفه السبب ايه ،انا مأخدتش في بالي
وقولت ده كلام بين الام وبنتها ستات مع بعضها يعني واهي بتفضفض لامي وكده ،المهم بعدها بأسبوع واكتر كنت ماشي
بالعربيه في شارع قريب من الشارع اللي متجوزه في اختي لان في الاصل جوز اختي كان جارنا واتجوزوا في بيت العيله
،لاقيت راجل جارنا انا اعرفه بيوقفني بالعربيه بليل اوي وقالي خد يا حسام النمره دي كلمني عليها انا عايزك في موضوع مهم ، روحت ولاقيت ابويا قاعد عند دخلت بيتنا فحكيتله اللي
حصل قالي خلاص يابني كلمه شوفوا عايز ايه ،قولتله ليه هو لو عايز حاجه كان كلمني وانا اكلمه ليه قمت مطنش الموضوع ،وبعدها بكام يوم لاقيت امي وابويا بيزعقوا مع بعض وامي
بتقوله البت مش مرتاحه وابويا بيقولها هي الحامل كده بتبقى مقريفه عرفت انهم بيتعاركوا في موضوع يخص اختي ،فبسأل امي في ايه قالتلي ان اختك حاسه في حاجه غريبه
لحل مشاكلكم يرجى مشاركتها على صفحه ازواج لكن سعداء
بتحصل عندها في البيت ،حاجه ايه دي قالتله ان حماها لاقيته بيشتـ.م ابنه ووشه مقلوب فلما نزلت على صوتهم قالولها اصل الحكايه بخصوص فلوس وكده بس اختي مش فاهمه
فلوس ايه ده جوزها على قد حاله اصلا والحكايه ماشيه معاه بالعافيه لانه يعتبر عريس جديد عقبال ما جهز نفسه كان شطب على اللي وراه وقدامه ، قولتلها خلاص يا امي متشغليش بالك ده
الجواز كده في اوله بيبقى في دربكه
سبت امي وروحت اشتري حاجه لاقيت الورقه اللي فيها النمره بتاعت جارنا قولت اما اتصل وخلاص، كلمته ولاقيته بيقولي الكلام اللي صعـ.قني ان جوز اختي كان السبب في انه
طلق مراته وان اتجوزها بعد ما العده خلصت انا بلمت وقعدت اشـ.تم فيه ولعـ.نت سلسفيله وروحت حكيـ,ـت لابويا وابويا صعـ.ق وقالي لا يمكن ازاي ده جوازة اختك مكملتش السنه وحامل
وجوز اختك اصلا الحكايه على القد ،فلاقيت ابويا راح لاهل جوز اختي عشان يتأكد لاقاهم دخلوا ابويا البيت وقفلوا الباب عشان اختي فوق متسمعش ،وانهم بهدلوا ابنهم وحيخلوه
يطلقها ،قالهم ازاي دي بنتي عروسه ليه يعمل كده اتاري البيه قبل جوزاة بكام شهر الست دي كانت بتتردد على بيت امه وهي اللي غوته ووقعته في حبها وعشان هو جهز الجوازة
لحل مشاكلكم يرجى مشاركتها على صفحه ازواج لكن سعداء
ومكنش عارف يخلع من اختي ازاي فأتجوزها ،دلوقتي ابويا رجع من عندهم وحكالي انا وامي ،وحكي ان اهل جوز اختي حيطلقوه من الست دي المهم ان اختي متعرفش حاجه عشان
هي حامل وحملها صعب احنا بقى نسمع كلامهم ونسكت ولا نقول لاختي ونقوم الدنيا ونفضحه لاننا نعتبر كلنا في شارع واحد
