طل,يق عمتي عمل حاد.ثة قرب بيته وهو مروح، ما.ت فيها شاب 23 سنة. أهل الشاب رفعوا قض.ية كان هياخد فيها حكم. في ناس ولاد حلال إتد.خلت عشان يحلوا، تحت بند إنُّه راجل معروف إنه كويس ودي حا,دثة وقضاء وقدر غ,ير مقصودة.
عملوا قعدة، إتحكم فيها ب ديّة مليون و 200 ألف جنيه لأهل الولد.
طل.يق عمتي راجل ظروفه ع قدها، بنتين بيدرسوا فالجامعة وولد ثانوية عامة، وظروف الحياة زي ما أنتوا عارفين حالياً عبارة عن ش.قاء ملوش آخر. ض.غط نفسه ش.مال ويمين وباع قيراط أرض كان عنده وفالاخر جمع 850 ألف جنيه أول عن آخر بطل.وع الروح.
عمتي رغم إنّها مطلقة منه من 3 سنين ونص كانت متابعة الموقف من بعيد، وبتسأل بناتها أول بأول باباكم وصل لفين، وجلسة الحكم كانت قربت، وميعاد دفع الفلوس كمان قرب وهو مش عارف يعمل أيه.
قبل القعدة ب 48 ساعة قرر يسيب عربيته لأهل الولد كمالة للفلوس.
في أقل من 48 ساعة عمتي باعت أرض ورثها من أبوها، وراحت يوم القعده قبل ما يدخل ع الناس وأدت بنتها الكبيرة شنطة فيها 400 ألف جنيه، توصلهم لأبوها. يسدد الحكم اللي عليه.
بعد القعدة ما خلصت طلع يجري ع بيتها، يسألها عملتي ليه كده؟ قالتله مش أنا اللي تسيب أبو بناتها وأبنها حد يك.سر عينه ولا يتحكم فيه ولا حتى يبيع الحاجة اللي بياكل منها عيش.
قالها: حتى بعد ما طلقتك؟
قالتله دي حاجة ملهاش دخل .. إنت عشرة العمر وأبو بناتي ف الأول والآخر ومفيش بينا الا المعروف. كون إننا متفقناش في العيشة ف بيت واحد مش معناه إننا أعد.اء ولا نتشفى في بعض. روح الله يسهلك ويستر ع بناتك. ولو عوزت حاجة تاني الخير كتير.
جوز عمتي حاول يردها، رفضت تماماً قالتله حتى لو هرجع مش دلوقت خالص، مش هستنى الناس تقول رجعها عشان وقفت جنبه، ودي أصلا فلوس بناتك، أنا دفعتهملك، وأنت تشد حيلك عشان بكره هتجوز بيهم بناتك. 😊
الخلاصة: ولاد الأصول مبيتغيروش، ومفيش نعمة فالدنيا قد إن ربنا يرزقك بحد يكون داعم وونس ليك ف الرضا والخلاف، ف القرب والبعد، حد يكون فاهم يعني أيه حق العشرة والعيش والملح والأيّام اللي عشناها سوا. مفيش نعمة فالدنيا قد إن ربنا يوقعك في حد جاي من بيت ناس ولاد أصول، ميسيبوش اللي منهم حد يطرف عينه.
👌منقول
تمت الحمد لله
