يا بنات للأسف انا بحب أخو جوزي…،
انا اتجوزت بقالي سنة وسكنا مع أهله. أنا عندي 18 سنة وجوزي 37، وأخو جوزي عنده 23. جوزي مش مهتم بيا خالص، طول الوقت في الشىغل، ولا بيسأل فيا نهائي، وكل اللي بيعمله إنه لما بعوز اي طلبات بيجبهالي، بس لا كلام، لا حنية، لا أي حاجة، ساكت على طول.
حماتي بتروح المستىشفى كل يوم لأنها شىغا.لة هناك طباخة، وأنا ببقى لوحدي في البيت مع أخو جوزي. بصراحة، عمره ما حصل بينا حاجة غىلط، بس إحنا متفاهمين جدًا، بنقعد في المطبخ نتكلم ونضحك مع بعض، بنتكلم عن الروايات والأفلام، وقال لي إنه لازم أكمل تعليمي، وإنه هيقف معايا لأن أنا كنت وقفت عند 3 إعدادي. قال لي إنه هيسجلني تعليم منزلي وهيذاكر معايا.
المهم إحنا على طول بنضحك ونتكلم، عمره ما قل أدبه معايا، وأنا كمان نفس الشيء، بس يا بنات، أنا بحبه، وعلى حسب إحساسي، هو كمان بيحبني، بس مش قادر يقولي حاجة، وأنا برضه مش قادرة أتكلم. لما بروح عند أهلي، بيبقى بيتصل عليا يقولي “تعالي خلاص البيت فاضي من غيرك ، وجوزي؟ ولا بيسأل عني! وأخو جوزي المسىكين بيمشي معايا يجيب لي حاجات البيت، ولما أقول لجوزي يوصلني لأهلي، بيقول لي معنديش طاقه خلي اخويا يوصلك.
وفعلا أخو جوزي هو اللي بياخدني يوصلني، وبيدخل معايا يقعد مع أبويا وأمي، ويقول لهم: “ليه خرجتوها من التعليم؟ البنت ذكية وتبارك الله عليها”، ويفضل يمدح فيا.
النهاردة وإحنا بنتكلم عادي، قال لي كلمة صد،،متني، قال لي: “عارفة يا فلانة، ياريتني كنت اتجوزتك بدل أخويا”، وبعدها سكت، وبعدين قال “أستغفر الله” وقال لي “سامحيني”، وخرج.
أنا يا بنات حاولت مع جوزي بكل الطرق، بحاول أهتم بالبيت وأرتب وأبعت له كلام حلو على الواتساب، لكن مفيش فايدة، بيرد عليا ويقول “أنا كبرت على الكلام الفا،ضي ده”. دلوقتي أعمل إيه؟
