أنا آسفة إنى هحكى مشكلتى بتفاصيلها لأنها محرجة شوية لكن مش عارفة أعمل ايه أنا كنت أرملة عندى ٣٣ سنة و٣ أطفال لكن الظروف كانت صعبة واتقدملى رجل أعزب وغنى عمره ٤٦ سنة وافقت علشان الأولاد وفى الرؤية الشرعية طلب يتكلم معايا فى حاجة مهمة على انفراد وقالى إنه هيهتم بالأطفال وهيعاملهم كأبنائه وهيوفرلنا مستوى مادى ممتاز ابتغاء للأجر الأخروى إلا إنه مش هيقدر يتعامل معايا كـ,ـزوجة لحاجة فى نفسه وليس لمشكلة طبية استغربت جدا من الكلام و حسيت فيه شئ غامض كده لكن بعد تردد وافقت وفوضت أمرى لله وتم الزـ,ـواج من سنة وكان صادق بخصوص الأطفال حنين عليهم و مكنتش أحلم ابدا بالى بيعمله معاهم ووعدنى إنه هيوصى ليهم بتلت ثروته علشان مينسهوش ويلاقى الى يدعيله بعد ما يموت وكمان هما بيحبوه جدا واتعلقوا بيه المشكلة بقى إن بدأت تلح عليا احتـ,ـياجات كإمـ,ـرأة واتكلمت معاه قال إنه كان صريح ومخدعنيش ولو حابة أطلـ,ـق مفيش مشكلة وبرضه مش هيقصر مع الأولاد لكن مش هيقدر يقدملهم نفس الى بيقدمه دلوقت لأن سبب الزواج هو انه يقدر يتعامل بدون حرج وأنا كنت عايز اعرف ليه راجل زيه يقعد كل ده من غير زـ,ـواج خصوصا إنى اتأكدت بطريقة ما مفيش داعى لذكرها إنه فعلا معندوش أى مشـ,ـكلة طبية لأنى كنت شكيت بصراحة إن فيه حاجة غلط وكان رده لما سألته إن امه وابوه كانوا قاسين جدا عليه وهو صغير وافتقد للحـ,ـب والحـ,ـنان وكان نفسه جدا يتجـ,ـوز وهو شاب ببنت يكون هو أول راجل فى حياتها لكن كان رزقه
ضيق ويدوب كان بيقدر يكفى نفسه بالعافية وقتها أما ثروته الحالية جت متأخرة ومبقاش عايز حاجة من الدنيا شايف نفسه كبر خلاص فايه لازمة انه يتـ,ـجوز ويخـ,ـلف ويكون اسرة؟! أنا فشلت كل محاولاتى لتغييره حاولت كتير اخرجه من الحزن والكـ,ـآبة الى هو فيها لكن بدون اى فايدة متـ,ـجوزين بقالنا سنة وعمره ما نام معايا فى غرفة واحدة ولو حاولت استغل انوثتى واحاول اغريه بيسيب البيت بسرعة ويخرج! أنا مش عارفة ده كده مـ,ـ,ــريض نفسـ,ـى ولا ايه؟ أنا نفسى يتغير لنفسه ويشوف حياته هو شخص نقى وربنا يجازيه خير على الى بيعمله معانا و عرضت عليه فكرة الزـ,ـواج مرة تانية من بنت زى ما هو عايز لو دى يعنى مشكلته وينجـ,ـب اطفال تشيل اسمه رفض برضه بحجة ان اى بنت بكـ,ـ هتوافق بيه فهى هتوافق علشان أنا غنى مش هتحـ,ـبنى ولا هتدينى الاحساس الى كان نفسه فيه زمان ده كلامه يا جماعة فحاولوا تساعدونى بالله عليكم المفروض أتصرف معاه ازاي؟
