السلام عليكم ورحمه الله وبركاته
انا سني 40 سنه متزوج الحمد لله لسه ربنا ما كرمني ب اولاد اعمل في مجال المقاولات عندي شركة كده صغيره والحمد لله دخلي كويس جدا
انا من محافظات وجه بحري
مشكلتي كنت واخد شغل في مصنع في القاهره وفي أحد عمال المصنع طلب مني موبايلي يعمل مكالمة بحجة أنه مش معاه رصيد
خلص المكالمه ومسح الرقم وخلاص بعدها بساعه لقيت رقم بيرن عليا وبيشتمني علي اساس اني كلمت بنته وشتمتها طبعا فهم الراجل اللي حصل وعرفته بنفسي وقلت له اللي كلم بنتك اسمه فلان شغال في المصنع الفلاني
قالي ده طليق بنتي وكل يوم علي كده يتصل من أرقام غريبه
المهم اخت العنوان من الراجل اللي كلمني ورحت عندهم البيت ولقيته راجل بسيط وزوجته ودي بنته المطلقه وحكت لي عن معاناتها مع طليقها اللي هوا جارهم ومخلفه منه بنتين ومش بيصرف عليهم وطبعا البنت اخر مازهقت منه اتطلقت
المهم وعدتهم اني مش هخليه يعكسها تاني
ورحت لصاحب المصنع لانه صديقي بصراحه وفهمته اللي حصل بس اترجيته لا يرفده ويكون ده أنظار ليه وفعلاً صاحبه المصنع استدعاه وعمله لفت نظر وقال له لو جات شكوه من طليقتك هتترفد
وفهمت الكلام ده لطليقته وكانت مبسوطه جدا وقال انت شلت هم كبير من علي قلبي
بل وكمان بقي بيبعت مصروف بناته
المهم بعد شهر كده لقيت طليقته بتكلمني أنها في المستشفى مع والدها وأنها محتاجه 5000 جنيه للمستشفى علي اساس انهم سلف وكده
طبعا اخت عربيتي ورحت ليهم المستشفى ودفعت الفلوس وجبت العلاج وروحتهم البيت والوقت كان متأخر وكانو عاوزين ابيت معاهم ولاكني رفض ومشيت
بعدها بشهرين كلمتني تاني وبتتأسف وبتقولي أنها عليها 10 آلاف جنيه باقي من جهازها ولو مندفعوش ابوها هيتحبس وكده وقالت هتشتغل وتسدد
وانا قلت لها ولا يهمك ورحت فعلا عند معرض الأجهزة دفعت الفلوس واخت وصلات الامانه وانصرفت
المهم كلمتني تاني بس المره دي بتقولي من غير لف ودوران انا بحبك اوي اوي اوي
وانت إنسان شهم وانك خلصتني من هموم ومشاكل وكده
وقالت لي تزوجني وانا هعيش خدامه ليك انت ومراتك بس خليني جنبك
فهمت فيها كتير اني بساعدها لوجه الله
مفيش فايده
وبتقولي لو مش هتتجوزني انا همو*ت نفسي
ومدياني فرصه لبعد العيد
اعمل ايه
اللهم صل وسلم وبارك على نبينا محمد وعلى اله وصحبه اجمعين
