ماما الله يرحمها كانت مأمنانى على سر كبير انا بس و هو ان بابا كان متجوز لمده كبيرة جدا و مخبى علينا (مرات صحبو متوفى من زمان جدا) قالتلى اليوم اللى اكتشفت فيه بالصدفة و شافتهم زى الافلام كده بالظبط و كانت هتمـ,,ــوت من الزعل المهم بدون تفاصيل عشان مطولش هو طـ,,ــلق اللى كان متجوزها دى عشان يحافظ على البيت
بس ماما اطفت و مبقتش واثقة فى نفسها ولا واثقه فيه و كل فتره تكلمنى تقولى انا حاسه انه لسه عارفها و انها مش هتسيبه فى حاله خصوصاً انها من طبقة مختلفه خالص عننا اقل بكتيييير و قد امى فى السن اساساً مش صغيرة يعنى، و لما تيجى تلمح ل بابا يحلفلها ان خلاص الموضوع خلص تماماً بينه و بين الست دى و انه بيتهيألها و يطلعها مجنونة
المهم فات حوالى ٦ سنين على طلاقة من الست دى او اكتر و ماما على نفس الحال يومياً تكلمنى تحكيلى مواقف اد ايه هو خدعها و الست دى كمان و تفتكر مواقف للست انها فعلا كانت بترسم عليه بعد وفاه جوزها و ماما حبيبتى مش مركزة خالص و تقعد تقولى انه ضيع شببها و انها معشتش حياتها و هو كان وهمها ديما انه طالع عينه فى الشغل و بيتأخر فى الشغل و اننا مش حاسين بيه
انا ديماً بحس ان شدة حزنها هى اللى مرضتها كده
المصـ,,ــيبة فين بقى
ان مكنتش لقيه موبيلى مسكت موبيله ارن على نفسى لقيت اخر رقم مكلمه هى!!!!
هى اللى حاسة انها السبب فى اكتئاب و مو,,ت امى
انا مؤمنه الحمدلله و عارفه ان لكل اجل كتاب
بس انا بوصف شعورى حالياً
اعمل ايه حد عاقل يقولى اعمل ايه بالظبط
انا امى لحد قبل الوفاة كانت بتدعى عليها انها بوظت حياتها و ديما تقولى الست دى مش هتسيبة و انها ليها فى الاعمال وخايفة تكون عملالنا حاجة لان البيت كان كله خنـ,,ــاق مبيهداش حرفياً
انا مش هقبل ابدا يتجوزها و تقعد فى بيت امى اللى موضباه حته حته و كانت بتقف مع العمال بنفسها عشان كل حاجة تطلع مظبوطة
انا مقهـ,,ــورة و مش عارفه بكتب ليه بس حاسه انى هموو,,ت من الزعل عايزة امى تجيلى بس تقولى اتصرف ازاى
حد يقولى اتصرف ازاى و ازاى اعرفة ان الست دى بالذات لا
و اتعامل معاه ازاى مش قادره ابصله
ادعو لامى ربنا يرحمها
