بقالي 5 شهور متجوزة، وساكنة مع حماتي، متعودة إن أي حاجة في البيت بكون أنا المسؤولة عنها، والنهارده؟ كان يوم مش عادي
صحيت الصبح لقيتها بتقولي:
“قومي احىشي الحمام، النهاردة في عزومة كبيرة، بنتي وجوزها وعيالها جايين يتغدوا معانا
ما اعترضتش، دخلت المطىبخ، نضفت، وحشىىيتهم ،وحمرتهم كمان عشان يبقى مظبوط… وقفت بالساعات
وجوزي رجع من الشىغل، وقعدنا مستنيين الضيوف… الساعة 3 العيلة كلها وصلت والضحك واللمة، وأنا وقفة بحط الا*كل وأنا مبسوطة وبعدها كلنا قعدنا نأ*كل وحماتي هي اللي بتوزع الحمام… وجي الدور عليا
لقيت حماتي
“بتديني الأجنحة بتاعت الحمام والرقاب وقالتلي خدي ده منابك انتي بتحبي الحاجات المقرمشة
طبعا اتصد*مت بصيت لها مستغربة، عشان شايفة كل واحد ماسك حمامة حتي العيال الصغيرة انا طبعا اخدتهم وأنا ساكتة
راح جوزي مسك الحمامة بتاعته وحطها قدامي قالي خدي انتي تعىبتي في المطبخ النهاردة وكله طبعا اتحر*ج وهو متكلمش لحد ما مشيت اخته وجوزها
وأنا دخلت المطبخ اغىسل المواعين
سمعت صوت جوزي بيكلم امىه بيقولها:
“انا مرضتش اتكلم قدام جوز بنتك انما مراتي دي كرامتها من كرامتي وتأخد احسن حاجة ولو اتكرر الموضوع ده انا هخليها تقعد في شقتها بكرامتها!”
وجاني المطبخ باس علي رأسي وقالي حقك عليا انا
وحقيقي والله خلاني نسيت الموقف،ونسيت تعىب اليوم كله
ربنا يحفظه ويباركلي فيه
–
