كل يوم جمعه بنروح نتغدى عند حماتي انا وجـ,ـوزي واخت جوزي وجوزها المهم انا بروح لازم افضل اساعدها واشـ,ـتغل معاها في المطبخ وبنتها تفضل نايمه مع ان انا عندي بيبي صغير بيرضع وهي ولادها كبار انا لو دخلت عشان ارضع البيبي تفضل تزعق وتقول لجوزي مـ,ـراتك سايباني اعمل لوحدي ليه وتفضل تزعق ولما اقول له طب اختك ما بتعملش ليه يقول لي اختي تعبانه انا مش فاهمه هي كل يوم جمعه لازم تبقى تعبانه طب ما انا كمان ببقى تعبانه ومش بيعـ,ـتقوني حتى لما كنت حامل ما كانوش بيعتقوني و لما اقول مش قادرو تطلع فيا وتفضل تقول لي يعني عايزاني اعمل لوحدي وتعمل معايا مشكله اخر مره الجمعه اللي فاتت اتغظت جدا وما رضيتش بعد الاكل اغسل المواعين لقيت علت صوتها و قعدت تزعـ,ـق و تقول لحوزي مراتك مش عايزة تغـ,ـسل المواعين وعايزه تسيبهم
لي قلت لها انا تعبت بقى طول النهار واقفه في المطبخ ما تعمليهم انتي ولا بنتك تعملهم جوزي راح مزعق لي وقال لي اتكلمي مع امي بادب وهي قعدت تزعق المهم قلت لها يعني مش كفايه ان انا باجي كل يوم جمعه بضحي ان انا اتجمع مع اهلي في يوم الجمعه قالت لي مش عايزه تيجي في دا*هيه روحي اقعدي مع اهلك طبعا انا صعبت عليا نفسي وقعدت اعيط وروحت من ساعتها وانا ما بكلمش جوزي فالنهارده بقول له اعمل حسابك انا يوم الجمعه الجايه رايحه عند ماما قعد يزعق ويقول لي ازاي يعني انتي مش جايه معايا عند ماما قلت له لا هاجي ازاي بعد ما قالت لي روحي في دا*هيه قال لي ما فيش حاجه اسمها كده هتيجي معايا غصب عنك قلت له عاوزني اجي لازم امك تكلمني وتتاسف لي ومش هعمل حاجه يا اما اختك تعمل معايا زيها زيي قال لي انت اتجننتي امي تتاسف لك يعني ايه انت هتيجي ورجلك فوق رقبتك واختي تعمل ما تعملش ما لكيش فيه من ساعتها وانا منها*ره وبعيط مش عارفه اعمل ايه معقول بعد اللي عملوه ده كله اروح لهم ثاني عادي كده مش عارفه اعمل ايه امشي واسيب له البيت ولا ما اكبرش الموضوع واروح معاه وخلاص ولا افضل واصر اني مروحش يوم الجمعه
