انا متجوز من سبع سنين وكنت عايش مبسوط وراضي بقسمة ربنا وسعيد او كنت فاكر اني سعيد
انا من الصعيد واول ما خلصت تعليم وجيش سافرت الخليج اشتغل فضلت فترة مش قليله الحمد لله كونت نفسي ونزلت مصر اتجوزت وحده مكنتش اعرفها قبل كده لكن من قرية قريبة مننا اتقدمتلها وعجبتني وعملنا فترة خطوبة قصيره تلات شهور واتجوزنا هي مش أجمل بنت ولا حاجه كان شكلها مقبول وطبعها هادي انا اتعلقت بيها جدا وحبيتها ومكنتش بقصر معاها في اي حاجه كانت طلباتها كلها مجابه كنت بحترمها وبحترم أهلها وشايلهم فوق دماغي اكراما ليها فضلنا متجوزين ست سنين ونص ربنا رزقنا بولدين وبنت كنت بحلم اني اربيهم كويس واعلمهم كويس بعد تلات سنين جواز انا بطلت غربه واستقريت ف مصر وعملت مشروع وجبت عربية ومكنتش بحرمهم من حاجه ومعيشهم في مستوي اجتماعي كويس كان عندي طموح وبدأت أسس مشروع صناعي تاني كان عندي احلام نفسي احققها
مكنتش بشك ف مراتي ولو لحظه
بس كان في حاجات مكنتش مقتنع بيها
كنت بحس انها معندهاش مشاعر وكنت بقول لنفسي عادي ما الرومانسية والحاجات دي في التليفزيون بس
كنت لما بجيبلها هدية مكنتش بحس انها فرحانه بيها لحد ما بطلت اجيبلها حاجه من نفسي
اخر سنتين كانت بتتهرب كتير من حقوقي الزوجية بحجة انها كانت طول النهار تعبانه من العيال وشغل البيت وبرضه كنت بسامح واسكت واقول عادي
لو غبت عنها وسافرت يومين تلاته اسبوع مكنتش بحس اني واحشها ومكنتش بتسأل اصلا غير لو محتاجه حاجه
كل ده مكنش ف دماغي وكنت بقول البيوت فيها كتير اصبر ربنا يهديها والله كنت بدعيلها وانا بصلي
المهم حصلي ظروف وغبت عنها شهرين
رجعت حسيتها متغيره معاي في **** مش هي دي مراتي اللي عايش معاها من اكتر من ست سنين ومن هنا بقي بدأت أشك وادور
الشك ف حد ذاته كان بيقتلني مكنتش عايز أشك بس ابتديت اربط كل حاجه ببعضها
بدأت بالتليفون بتاعها لقيت عليه تطبيقات كتير مش عارفها معظمها كان بتاع دردشه واجتماعات تطبيقات تواصل بس كلها مكنش عليها اكاونت كانت مسجله منهم خروج كلهم
عملت استعادة محذوف للصور
كانت كل حاجه طبيعي ماعدا صورتين واضح انهم صور لمقاطع فيديو اباحية بس مش واضحين قوي اللي في المقاطع كانت شبهها جدا بس مكنتش اقدر اعتبرهم دليل
ابتديت ادور في الشقه علي اي حاجه تثبت شكي او تنفيه قلبت الشقه كلها
كنت بلاقي حاجات غريبه زي إكسسوارات اللي بتلبسها البنات لكن مخبياها بشكل غريب لقيت لمبه صغيره كده فيها خرطوم برضه مخبياها سألتها ايه دي قالتلي دي ابنك جابها كان بيلعب بيها عرفت بعد كده ان دي حاجه اسمها جهاز بيشربوا بيه مخدرات بالتحديد مخدر الايس او الشبو
كنت عامل زي المج.نون كنت بموت كل يوم كنت بفضل باليومين والتلاته منامش فضلت ادور في التليفون لقيت في التقويم تذكار بتاريخ ميلاد معين وحساب جيميل باسمها
رجعت تاني لتطبيقات التواصل لقيت عليهم اكونتات بالحساب ده بس معرفتش افتحهم
فتشت تليفوني لقيت عليه تطبيق غريب سألت عنه عرفت انه هكر ولقيت معمول عليه اكاونت بنفس الحساب مشيت ورا الحساب ده لقيته معمول برقم تليفون غير تليفونها اللي اعرفه
وانا بدور لقيت فلاشه ومعاها وصله بتشغلها علي التليفون فتحتها لقيت عليها مص.ايب
عليها مقاطع جنسي.ة كتير كلهم لنفس الست كانت شبه مراتي جدا بس كانو مخبيين وشهم دايما مفيش غير مقطع واحد كان ظاهر فيه وشها وواضح جدا لكن الشخص اللي كان معاها انا اول مرة اشوفه
عمري ما شوفته قبل كده
واجهتها وض.ربتها وكنت ه*ت لها لكن منطقتش بكلمة واحدة
اكتشفت بعد كده ان الفيديوهات دي كلها بتتباع ع النت ومنتشره في اكتر من موقع
بنفس حساب الجميل بتاعها
مراتي اللي كنت عايش معاها في بيت واحد ممثلة اباحيه مشهورة وانا معرفش،
مد.منة مخ.درات وانا برضه معرفش
مهكرين تليفوني والجي بي اس بتاع العربيه
الفلاشه نفسها لما تتحط في اي تليفون بتهكرة انا اتجننت فعلا وروحت خط *تها وروحت بيها الصحرا وسحبت عليها سلاح عشان ا*ت لها لكن برضه مارضيتش تقولي هو مين مقدرتش ا* تل ها يمكن عشان لسه معرفتش مين الشخص ده اعصابي تعبت ودخلت مصحه نفسيه فضلت فيها تلات شهور اتعالج
مش مصدق اللي حصل معاي
كل يوم بسأل نفسي انا قصرت ف ايه
انا غلطت في ايه
ياتري ولادي دول ولادي ولا مش ولادي
كانت بتديني منوم عشان تقابله وانا نايم
طب كانت بتعمل ده كله ليه هل ده حب
طب ازاي اقنعها انه بيحبها وبيصورلها مقاطع زي دي وينشرها كانت بتسرق مني فلوس تقريبا كل يوم وكنت بقول عادي يمكن محتاجه حاجه
كل يوم بسأل نفسي مليون سؤال
حاسس اني بحلم ومش قادر أصدق اللي حصل معايا
خسرت كل حاجه ف غمضة
نفسي اعرف انا عملت ايه غلط
انا واحد دخلت البيت من الباب واتجوزت في الحلال يحصل معاي كده ليه
طب لو هو بيحبها سابها تتجوز واحد غيره ليه وهي ليه وافقت تتجوزني
انا بقالي اكتر من ست شهور مش قادر أتجاوز اللي حصل معايا ومش عارف اصدقه
حاسس اني في كابوس
انا ازاي كنت عايش مع شي.طان بالشكل ده ومش واخد بالي
انا حاسس اني حياتي وقفت
معنديش طاقه لأي حاجه وماليش نفس لأي حاجه
ادعولي ربنا يقدرني اني انسي واستعيد حياتي تاني ..
