السلام عليكم
نزل استاذ ناصر لوسمحت
جماعه لو سمحتم جوزى انسان صعب جدا هوا شخص نرجسى وعانيت معاه طول ١٩ سنه جواز لانه مكنتش اقدر عالطلاق عشان اولادى مقدرش اتحرم منهم ولا اقدر اعولهم معنديش اى مصدر .
تعرضت لضغوط نفسيه فوق الطبيعى من ضر,ب وخيا,نات وصلت للحد أنه بيعمل كدا فى بيتى بالوقت ال بكون فى عند امى بالزياره لان امى مريضه .
طبعا كان بيحصل وكنت بكون شاكه لكن ماكان فى ايدى دليل وكنت بقول لنفسى متدييش ودنك للشيط,ان لحد ما لقيت لبس داخلى لوحده ست غالبا هيا ال سيباه عشان اتقهر ربنا ينتقم منها.
مش قادره اوصف لكم كميه الوجع ال حسيته وقتها والقهر ولما واجهته نزل ضر,ب فيا زى المجنو,ن وقالى اه وان كان عاجبك وبعدها بكام يوم مع تكرار الخناق رمى عليا يمين طلاق مع أنه عارف معنديش ولا مكان اروحله .
المهم فى ناس تدخلوا ورجعنى بصعوبه ودى الطلقه التانيه
لانه من الرجاله ال الطلاق على لسانها طول الوقت يحلف بيه فبيطلق بسهوله
ومن يومها وهوا كل اما يحصل بينى وبينه حتى لو خلاف بسيط جدا يهددنى أنه هيطلقنى وفعلا بحس أنه هيطلق فببعد عنه وافضل ابكى وادعى عليه
المشكله بقى انى عرفت أن الست ال هوا مرافقها دى ال كانت بتيجى عنده بالبيت كانت متجوزه فضل وراها لحد ما أطلقت وسابت ولادها لجوزها وعرفت انها عندها طفل معاق .
المهم من يوم ما عرفت بالى بينهم وهوا بجح بزياده كبيره جدا والبيت خربان و نفسيه العيال ادمرت من تصرفات ابوهم وظلمه ليا وشغال معايا شغل التطفيش عشان محدش من ال حوالينا يلومه مع العلم معنديش أهل اطلاقا ال مات وال قاطع صله رحم
دلوقتى عرفت أنه بيخطط هوا وال يعرفها دى أنهم يطفشوفى عشان يتجوزها مكانى فى الشقه لان ظروفه متسمحش ابدا بفتح بيت تانى وانا تعبانه جدا ومش عارفه اتصرف معاه ازاى مش شايف غيرها ومش بيطيق يبص بوشى مع أن والله الكل ليشهد بجمالى والكل مستغرب وبيقول عنى مراته مفيهاش غلطه عشان يعمل دا كله على فكره دا كلام اهله امه وأخواته البنات .
بس انسان ظالم ومفترى مش عارفه اتصرف ازاى حاسه انى عايشه على كف عفريت هروح فين لو طلقنى ومقدرش اصلا اسيب ولادى امو,ت من غيرهم
دا كمان هوا قال لاهله أن ال معاه دى شارطه عليه طلاقى مقابل جوازها منه لانها عارفه أن دى اخر طلقه عشان ميبقاش فى امل فى رجوع وتضمن أنها تبقى لوحدها
