انا بحب جوزي

انا مشكلتي طويله شويه

بس لو سمحتو من غير تجـ,ـريح انا ممكن اكون غلطانه من الأول اني فكرت في نفسي بس

انا اول متخرجت اتوظفت و انا يتيمه و مليش اخوات ليا امي بس

زميلي في الشغل عرض عليا الزواج و انا رفضت لان مفهوش الموصفات الي انا عاوزها هو وسيم بس مشكلته معتمد علي وظيفه بس

المهم انا كنت بخلص شغل و اقعد في بيت اصحابي اقترحو عليا اني اروح معاهم عمل خيري و روحت معاهم و هناك شوفت شخص اتمنيت اني ابقى من نصيبه مع العلم هو مش موظف و لا كاشكل جميل بس راجل و يعتمد عليه و ده اللي انا عاوزها

و في يوم جيه زميلي قالي انتي مع اخويا في عمل الخيري قولتله اخوك مين قالي فلان اتصـ,ـدمت و قولتله ايوه ليه قالي عادي

اول ما روحت صليت صلاه استخاره عشان اسيب العمل الخيري دي تاني لقيته جيه اتقدملي معرفتش اعمل ايه هو ده اللي بحلم بيه و في نفس الوقت اخوه عاوزني

صليت صلاه استخاره و وافقت و كان شرطه اني اسيب الوظيفه و مش عاوزني اصرف في بيت و وافقت و قدمت اجازه بدون مرتب

ليا سبع سنين متجوزه و مخلفه و عمري ما شوفت من جوزي حاجه وحشه و اخو جوزي مش مجوز وعمل شقه و خلاني انا اخترت كل حاجه و كان ديما يقولي انتي اختي

المهم جوزي ليه فتره متغير بسبب ازمـ,ـه ماليه في شغله و يعتبر خسر كل حاجه قولتله خد دهبي و ارجع شغلي و اساعدك راح ضـ,ـربني و كسـ,ـري ايدي و قالي علي اخر زمن واحده تصرف عليا و سبيلي البيت وقعد عند امه بقاله شهر علي لبحال ده و انا سيباه عشان هو مكسور قدامنا لانه مش قادر يجيب طلبات عياله

النهارده نزلت عند حماتي راح جوزي مشي لما شافني

اخو جوزي قعد معايا و قالي كلام اتصدمت قالي هو ميستهلش ضفرك و مفروض انتي تبقي مرتي انا و انا كل يوم بمـ,ـوت مـ,ـيت مره و يوم فرحك قعدت في شقتي و تخيلتك انك معايا و انا بحبك و مش قادر انساكي و عيالك مفروض يبقو عيالي انا و انا مش بوافق ان حريم إخوتي يغسلو هدومي بخليكي انتي بس

قومت سبته و مشيت راح مسك ايدي و كان عاوز يحـ,ـضني والله العظيم فعلا كان عاوز يعمل كده و انا قولتله لو مسبتنيش انا هصرخ و اقول لي امك

راح قالي انتي خدتي ده ليه ده انا احلي منه و موظف و شوفتي شقتي عملها ازي

روحت سبته وسبت عيالي و طلعت شقتي و قفلت علي نفسي بالمفتاح و خليت مفتاح جوه

انا دلوقتي بقيت خـ,ـايفه و مش عارفه اعمل ايه حاسه ان حياتي فتره الجايا هتضمر و انا مليش حد و انا بحب جوزي و متعلقه بيه هو كل حياتي اول حب و اخر حب و استحاله ابعد عنه و لا عن و لادي