السلام عليكم
محتاجين ردكم لو سمحتم
اخويا من ٢٠ سنه اتجوز واحده بدون رضا حد حتي لما سالنا في بلدهم قرايبها نفسهم قالوا ابعدوا عنهم..للاسف الاب كان مت_,,_وفي فصمم
طبعا هي بررت دا بان كله بيحقد عليهم
أخويا اتوفي السنه اللي فاتت وترك ولد ١٧ سنه وولد ١٤ وبنت ١٥
مرات الاخ كانت كويسه بعدين اتقلبت
تقريبا طيرت كل فلوس ليهم
التربيه حدث ولا حرج
الام قلعت الحجاب
بنت الاخ منتهي المس_,,_خره رحلات مشتركه لبس ضيق واحنا عيله محافظين
الولدين خيخه
طبعا الام عملت كل حاجه عشان تطفش الاعمام ميدخلوش في تربية العيال
بحجة دول ايتام ومن حقهم ينطلقوا
ومش كدا وبس شغاله اساءه لسمعه اهل الاب ان العيال قرفانين من اسلوبهم
العيال عايزين يعيشوا بلا رقيب ولا حسيب
المشكله حتي لما بنبعد عنهم بيفتعلوا مشاكل
عايزينا لمصلحتهم بس فلوس مصالح لكن مفيش حاجه اسمها لينا دخل حتي بصلاتهم او حجابهم
بكلم عن لحمنا مش بكلم عن ارملة احويا
ابوها واخواتها قابلين كدا عادي
مبقناش عارفين نعمل ايه
ولادي شباب ولما بيشوفوا ردود الولدين علينا بيكونوا عايزين يض_,,_ربوهم
العيال حتي عادي يقولولهم ابوكم معقد وعايشين معاه ازاي ومع كل اعمامهم كدا
البنت بقي شايفانا ناس مش سبور خالص
حتي لو قلنالهم ربنا يوفقكم بعيد عننا لا مش عايزين كدا احنا ناس مهمهتهم يقضوا مصالحهم لكن حتي احترامهم لينا مش مجبرين
اهل الزوجه يقولوا احنا مش هندخل ولا عاجبنا الوضع بس محنا ح_,,_ذرناكم منهم وقلنالكم بلاش دول واخوكم صمم
طيب هل منطقي افضل طول عمري انا وااخ تاني ندفع تمن غلط اخ اتوفي؟
هل منطقي اننا نت_,,_هزق ونتعامل كاننا حشرات واحنا ناس عدت ٤٥ سنه
نظرات الناس لينا اللي هو انتم ناس في حالكم ومحترمين دول طالعين كدا لمين
كل مقول ابعد اقول العيال دي بعد ٥ سنين هتقول طيب سبتوا امنا ليه تضيع باقي فلوسنا
اخويا كان مقتدر ودي كل شويه تبيع حاجه من حاجتهم تعمل مشروع رغم ان المحلات اللي متاجره تكفيهم دخل شهري جدا
اغلب حاجتهم ضاعت
وبالمنظر دا العيال دي لما يوصلوا ٢١ سنه هيكون كله اتباع وهيقرفونا اكتر
ونصيحه اخيره لكل شاب او شابه
اسمع كلام ابوك وامك هم ادري بمصلحتك منك
ميغركيش كبنت شاب كلامنجي بياع كلام ولا كشاب بنت لابسه مل_,,_زق او سايقه عليك المح_,,_ن والك_,,هن عشان مت_,,_دمرش ولادك من بعدك واهلك كل شويه يقولوا بندفع تمن ذنب مفيش لينا دخل فيه
والله العظيم اعرف ٣ قصص كدا والعيال ضايعه
ارجو لو حد عنده حل يبلغني
لا القرب نافع ولا البعد نافع
