بنات انا دمى محروق اوى
عزمت امبارح صاحبتى و جوزها لسة متجوزين و جـ,ـوزها مع جوزى ف الشغل المهم جى اول ما دخل لقيته داخل بالشـ,ـوز بقوله اقلعه برا لقيته يقولى دانا مراتى متقدرش تقولى كده و بعدها قلعه وخلاص قعد لقيته بيقول ايه لون الحيـ,ـطة ده مش حلو مع أن انا لسة داهنة لون جديد اسمه بريز كمبيوتر و بعدها يبص عالنجـ,ـف يقول ايه النجف ده و يقول ل جوزى انتو هتسيبو النجفة دى كده و بعدها دخلته اوضـ,ـة الاطفال يصلى الاوضة متروقة و فلة بعد ماخلص يقول ل جوزى ايه ده انتو مكركبين الاوضة دى كده ليه عشان لعب الأطفال اللى فيها يعنى اللى ع جمب زى العجلة و الحصان و اللعب دى المهم حطيت الاكل كنت عاملة بشاميل و فراخ مشويه و رز بسمتي و كفتة وسلطات و جلاش و سمبوسة جاية بديله ورك كبير كده مشـ,ـوي يقولى ايه ده لا شيليه من قدامى أنا بقرف من الوراك و بعدها لقيته بيقولى هو حد يعمل رز جمب المكرونة و عدها كذا مرة طب أنا عملاها عشان لو مش بيحب ده ياكل ده يعنى و حاطة رول مشمع كده حاطة الاكل عليه عشان الدنيا مش تتبهدل يقول ما تكبري الرول شوية ده حتى اللفة منه رخيصة و صاحبتى كانت بتاكل المهم سابت حتة من فرختها ف بقولها كمليها ف رد يقولها كمليها اهو أكلة و اتحسبت عليكى كانى عزماه ع فول ولا عدس و بعدها يقول ايه ده اللحمة المفرومة طعمها مش قد كده مع أن انا اكلى الحمدلله جميل بشهادة الجميع جوزى رد عليه قاله ده احسن حاجه فيها اكلها
و بعد ما خلصوا اكل أنا حطيت مانجة والله شرب بوقين و حط الكوباية ع التربيزة و يقولنا ايه ده ايه.ده طعمها وحش اوى مع أن المانجة كانت جميلة و بعد ما شيلت الحاجة من عالتربيزة الصغيرة كان قاعد ع الركنة لقيته رفع رجله عالتربيزة وقاعد ممدد قاعدة أنا عمرى ما قعدها ف بيتى اصلا و يقول ل جوزى الشاشة دى وحـ,ـشة بطيـ,ـئة اوى أنا شاشتى احلى منها مع أنها شاشة سامسونج سمارت ٥٠ و قعدوا للساعة ١ بالليل ف جوزى بيقولو اقعد بقي اتسحر معانا راح قاله يعنى هى مـ,ـراتك كانت عزمت علينا …
بجد أنا حاسة أن ضغطى وطى ومش حبيت ارد عشان هو ف بيتى و كان حد جاب جردل ماية ساقعة دلقه فوق راسي حرفياً حتى صحبتى مراته مهنش عليها تاخده ع جمب و تقوله عيب كده كان اتعودت ع قلة الذوق منه ولا كلمتنى بعد ما مشيت هى شخصيتها ضعيفة قدامه
بس انا مش هكلمها تانى وهقولها ولا عاوزة نتكلم و ولا نكمل صحوبيتنا ولا اجيلك ولا عاوزاكى تدخلي ليا بيت عشان خلاص اتقفلت منهم
اعمل كدا ولا ابقا غلطت
