السلام عليكم
الاء تبقى اختي عندها ١٧ سنه في يوم اشتكت من وجـ,ـع في جنبها تقريبا الزايده بس فيه امتحانات عملي هتبتدي اصل هي تانيه ثانوي
الفرق بين الامتحانات و عمـ,ـليه الزايده ١٤ يوم قولنا نعملهالها و لحد الامتحان هتبقى كويسه راحت المستشفى عملت سونار قالو زايده و دخلت العـ,ـمليات المفروض تقعد مثلا نص ساعه ؟
لا هي فضلت ٣ ساعات و بعد ما خرجت استنينا تفوق و فاقت
وحكت انها فاقت وسط العـ,ـمليه و عيطت و ندهت على ماما لانها اتخـ,ـضت و خافت و بنجوها تاني !
لقينا درنئه وحجات كده مش فاهمنها هوب الدرنئه دي بتنزل دم اسود ايه يا جماعه فيه ايه قالو اصل بطنها عملت ثقوب من جوه هندخلها عمليات تاني عشان نعرف الثقب فين و نسده طب ليه عملت كده محدش بيقول سبب طيب
دخلوها عمـ,ـليات تاني و خرجت الدرنئه بتجيب اخضر و اسود طب ايه يا جماعه قالو هندخلها عـ,ـمليات تالت ودخلت قالولنا في فتاء ورا الكبد طب ده من ايه يا جماعه قالو هنفتح رابع نعمل استكشاف طب ليه محدش بيقول سبب حتى نقتنع بيه و دخلت عمـ,ـليات خامس طب ليه يا جماعه اصل هنعملها تحويل مسار ! طب هي هتعيش ازاي كده دي ١٧ سنه قالولنا تعمل تحويل ولا تموت؟!
على فكره هي عملت كل ده في اسبوعين يعني متلحقش تقف على رجلها حتى ..
قولنا مش مهم هتخرج و تقف على رجلها و هنساعدها تتعامل بيه اما خرجت من العمليه دي اكتشفو انهم عاملينها في مكان غلط !
و ان فتحه البطن كبيره عليها فا دخلوها سادس عمليه عشان يعملهوها صح
لأسف اختى بطنها بتبقى مفتوحه قدامها لأن من كتر العمليات الجروح مكنتش بتحلق تلم عايزه بس اوصفلكم انها بتشوف بطنها قدامها كده و عشان تحويل المسار معمول غلط فا أعازكم الله الدم كان بيختلط مع البراز في بطنها و كانو بيستعملو جهاز شفط زي خرطوم كده يحطوه في بطنها قدام عينها و يشفطو بيه ..
مش هعرف اوصفلكم حالتها النفسيه ولا انها بتقولنا روحوني و احنا متكتفين مش عارفين نخرجها من المستشفى
هي كده اتحـ,ـرمت من الاكل ٣ شهور
و جالها الصفره معرفش ازاي ..
ابتدت متعرفناش و وعي مخها قل
بعدين رجعت تاني عرفتنا بس طول الوقت في العـ,ـنايه المركزه و طبعا الزياره بمعاد قليل جدا يدوبك نشوفها ١٠ دقايق ده لو خلونا نكملهم
و بعدين فجأه التهاب رئوي و جهاز تنفس صناعي
بقيت أشوف اختى مش هي القمر دي اتبدلت
أنا قولت جزء بسييييط جدا من اللي شافته بسيط والله
كده يا جماعه اختى عملت استكشاف تحويل مسار عمليه زايده
ممكن تتخيلو بطن شابه جميله عندها ١٧ سنه بقى عامل ازاي
الصادم بقى في كل ده ان العمليه الأولى لما فتحو بطنها اول مره الزايده مكنتش موجوده أصلا !
حببتي كانت عامله عمليه انسداد معوى وهي صغيره و فيه جزي كان فيه غرغرينا و استأصلوه و معاه الزايده واتقالنا زمان انه جزء من الأمعاء و محدش كلف نفسه حتى يبص في السونار و يراعي ضميره للعلم والدتي قالتلهم على العمليه دي قبل ما يكشفو
عملت ٧ عمـ,ـليات في اسبوعين و قعدت في المستشفى ٣ شهور !
اختى طلع في آخر المطاف ده كله عندها أملاح زياده
عرفنا ده امتى عرفنا بعد ما ماتت
أنا ليه قولت كل ده عشان نفسي الدنيا كلها تعرف هي تعبت اد ايه و تترحمو عليها من قلبكم
اختى ماتت في رمضان في ايام الرحمه
حاولنا نجيب حقها و عملنا قضيه بس ده عمره ما هيرجع اللي راح و حقها كمان لأسف راح عشان كل اللي في المستشفى انكرو هما عملو ايه وظبطو ورقهم
لا نقول إلا ما يرضى الله
حسبي الله و نعم الوكيل
حقها عند الذي لا يغفل ولا ينام
بهدلوها الله لا يسامحهم عند الله تجتمع الخصوم
اسفه طولت عليكم
#مستشفى٦_اكتوبر اللي في الدقي
وزارة الصحة والسكان المصرية
#طوارئ_مصر_نيوز
#طوارئ_مصر
