السلام عليكم ورحمة الله وبركاته
(الابن الغلط هو اللي مات) دى الجمله اللي قالهالي بابا علي الفطار النهارده
القصه باختصار من ١٠ سنين ان اخويا الله يرحمه كان لسا داخل جامعه و مشي في سكه وحـ,ـشه من ادمـ,ـان و حـ,ـقن و في الاخر توفـ,ـاه الله ، طبعا فيه احداث كتير من مصـ,ـحات و هـ,ـروب و سـ,ـرقه و ما الي ذلك بس ربنا يرحمه و يغفرله و يتجاوز عن اخطائه
من اليوم ده و ابويا محملنى مسئوليه وفاته ، انا اللي مخدتش بالي منه ، انا اللي مطمـ,ـنتش عليه ، انا اللي مصاحبتوش ، انا اللي مطبطبتش عليه ، مع انى كنت ساعتها شاب عنده ٢٠ سنه ميعرفش حاجه عن المسئوليه اصلا و عايز اللي يطبطب عليه هو كمان
بس انا متفهم ان ابويا كان بيدور علي شماعه ، حد يشيل المسئوليه عنه علشان يريح ضميره و يعرف ينـ,ـام بليل و هو عارف انه مش هو اللي قصر ، انا اللي قصرت!
فضلنا كدا سنين علاقتنا بتبـ,ـوظ يوم عن يوم لحد ما اتخرجت و سبت البلد و سافرت و بقيت باجي في المناسـ,ـبات كضيف كدا اولا علشان امي ملهاش ذنب ثانيا من باب الامل انه يكون سامحنى المره دى و نرجع تانى زى الاول
النهارده انا مكنتش جيت مصر بقالي ٣ سنين و لما نزلت قعدت في شقتى علشان وجودى في البيت بيضـ,ـايقه بس ماما طلبت اروح افطر معاهم و علي اد ما كنت متحفظ جدا و مش عايز افتح اي مواضيع و عامل حسابي مطـ,ـولش عن ساعه علشان مضـ,ـايقوش ، افطر و اسلم عليهم و اديهم الهدايا و اتوكل علي الله بس هو مستنانيش اكل حتى علشان يقولي الجمله دى
و مع انى متفق معاه ان الابن الغلط هو اللي مـ,ـات فعلا لان اخويا كان مقبل علي الحياه و دايما بيضـ,ـحك و عايز يسافر و يجرب حاجات و انا كنت عكسه دايما مكتئب و مش عايز اخرج و مش مهتم باي انجازات فواقعيا وجوده هو كان يخلي البيت افضل من وجودى ، بس ربنا ليه حكمه في الموضوع و حقيقي مزعلتش من الجمله علي اد ما زعلت
انى قفلت الباب ده تماما ، هو عمره ما هيـ,ـصفي ، انا اللي قعدت ١٠ سنين في وهم ان المره الجايه هياخدنى بالحضن فانا اخدت قرار انى مش جاي تانى ابدا و ده اللي مزعلنى ، حاسس انى بقيت فجأه بلا هويه معنديش اهل ، معنديش بيت ارجعله ، مصر بالنسبه ليا مؤلمه جدا فحاسس انى هعيـ,ـش و همـ,ـوت برا مصر لدرجة انى لما ربنا يفتكرنى مش هيلاقوا حد يبلغوه بخبر وفـ,ـاتى اصلا
