انا متجوزه تقريبا من سنه ونص ومعايا طفله عمر شهور جوزي يتيم من صـ,ـغره اب وام ومافيش احن منه ف الدنيا راجل بجد وقف جنبي كتير ومواقف كتير ماسبنيش فيها قلبه طيب وكبير عمره ماحب يزعلني بس ظروفه ع قده والدنيا معانده معاه شويا وبرغم دا كله عمره ماحسـ,ـسني بتقصير
المهم…أنا دهبي كانو تلات خواتم ودبله فيهم خاتم واحد بابا اللي جيبهولي بعد الجواز جوزي كان عليه فلو،س برا دا غير القروض جيه وقالي انا محتاج خاتم من الشبكه واوعدك ربنا يسهلها معايا واعدي ظروفي واعوضولك عدينا ظروف صعبه كتير مع بعض وقفنا جنب بعض اديته الخاتم يسدد قرضه كام شهر وطلب التاني وهو محرج مني مازعلتهوش ووقفت جنبه زي ماهو وقف جنبي ف كتير المهم الظروف ضاقت وبيعت التاني لغاية مايقف ع رجله وخلاص مابقاش علينا غير ١٤ الف فقط..
سبعه قرض وسبعه عليه لابن عمه منه لله قاله أنا محتاجهم جوزي قاله اصبر عليا شهر واحد ادبرلك المبلغ وابن عمه ماشي ورا مراته شويا مالهوش كلمه بعد ماتفق معاه ع شهر رجع ف كلامه ومافيش كام يوم ولقناه اشتكا جوزي وبلغ عنه أنه سار،ق فلو،س وعمل فيه محضر فجاه.. لقيته جايلي ف ليله محروج وقالي عارف ان تقلت عليكي بس روحت لكذا حد وماحدش راضي يسلفني قرش أنا محتاجك جنبي اترددت شويا لأن دا حاجه من ابويا بس اتفقت معاه اتفاق أنه نبيع الخاتم بس ياخد السبعه ويسبب الباقي عشان نكمل عليه ونرجع الباقي قالي تمام ودا كام اتفقنا وعدت الشهور وجيت من اسبوع بالصدفه مالقتش الفلو،س واجهته قالي غىصب عني مايلت عليهم شديت معاه ف الكلام واتعىـ,ـصبت شـ,ـدينا قصاد بعض اكتر كلمه زعلتني منه لما قالي ماحدش ض،ربك ع ايدك واي يعني انزنقت ماحصلش حاجه بعىـ,ـصبيه كدا أنا كان كل زعلي أنه ماعرفنيش مش اكتر وقالي واعرفك ليه الدنيا ماتهددتش وبعدين مانتي ضامنه حقك ف القايمه مش حتت خاتم عاوزه تروحي تشتكي لابوكي روحي عاوزه تروحي تشتكي بالقايمه روحي ومن ساعتها وقلبي موجوع من كلامه وع اخر اليوم بقي يلاغيني بالكلام ويضحك معايا كان حاجه ماحصلتش …طب وقلبي من كلامك؟؟!!
والمفروض دلوقت اعمل اي اعرف اخته هي محترمه جدا ومتفاهمه كويسه معايا ولا أعرف بابا هو متفاهم جدا وباله طويل بس قلبته وزعله وحىش اووي
للعلم جوزي كويس معايا لغاية ماكنت اتعب كان بسهر جنبي بالكمدات ولو اهلي احتاجه ف اي حاجه مش بيتاخر عنهم….
