تورتة ب١٨٠ جنيه
السلام عليكم ورحمة الله وبركاته
اخويا خاطب وقرب يتجوز… خطيبته كانت بتكلمه في التلفون ..قالتله انا عايزة شهر العسل يبقي في شرم في الفندق واللي اخترته انا الللي الرحله فيه حتكلف ١٥ الف جنيه ..
فاخويا قالها يا حبيبتي انا لو اطول اجيبلك لدنيا كلها بس انا اتفقت معاكي علي الفندق اللي في شرم اللي حيكلفنا ٨ لاني حبقي طالع من تكاليف الجواز مخـ,ـلص كل فلوسي ويدوب دي شويه من فلوس فاضله معايا علي فلوس النقطه اللي حتجيلي وحمشي الدنيا ..انا دي امكانياتي لو مصممه كملي من معاكي ونروح المكان اللي انتي عايزاه…
هوة بيقول مش عارف الكلمه الاخيره دي طلعت منه ازاي بس هوة كان بيقولها بهزار علي سبيل انه يعجزها او يمكن حس انه نفسه تحس قد ايه هو شقيان في القـ,ـرش ويحس انها جنبه وهو اصلا لا طمعان في فلوسها بدليل انه اتفق معاها ملهوش دعوة بمرتبها لانه ببقبض اد مرتبها كذا مرة ولا باصص لفلوسها اصلا وحتي المستوى المادي ليها اقل منه بكتير جدا وهو باني نفسه بنفسه وجاب شقته بنفسه محدش ساعده وعارف يعني ايه راجل بيتعب ويجيب القـ,ـرش عشان يستر بيته وعيلته وصرف دـ,ـم قلبه وشـ,ـقا سنين عمره على ما قدر يشتري شقه ويشطبها
المهم هيا بعد المكالمه دي مابقتش ترد عليه ولوت بوظها … وتاني يوم امها كلمته قالتله بنتي غضبانه انتي ازاي تطلب منها انها تصرف معاك انت طمعان فيها انت عايز مراتك تصرف من جيبها عليك..يابو تورته ب١٨٠ جنيه ( اخويا مرة قالتله تعالي البيت احتفل بعيد ميلاد اخويا الصغير..فاخويا متعود كل مايجيلها لبييت مايروحش بايده فاضيه ويخش بحاجه في ايده.. بس عيد ميلاد اخوها كان في اخر الشهر وكان مزنوق مكنش في جيبه غير ٢٠٠ جنيه بس فدخلهم بتورته ب١٨٠ جنيه..وهو ياما جبلها هدايا قبل كده بالافلات) .. وتاني يوم لقى امها بتفضحه ادامنا وادام باباه وادام خاله لدرجه انه خاله يقول يااه تورته ب١٨٠ بس.لا ملكش حق احنا طول عمرنا عارفين عنك انك نزيه انت بقيت بخيل كده امتا.. وهو من ساعتها حاسس انه اطىى عن بسىكينه وحاسس بالغدر ومتلخبط ومبقاش طايقها.. حاسس ان فيه واحده كانت حتبقي مراته عرته وفضحته وماسترتهوش وهو مزنوق..وانها حكت لامها ولاهله مع انه طول فترة خطوبتهم اخويا بيقول عرفت عيوب وحـ,ـشه فيها ومـ,ـخبيها عنكم عشان تفضل صورتها حلوة ادامكم .وبيقول انا لو سبتهم حياكلو ا عليا الدهب كمان
ومش عارف يعمل اية او ياخد قرار ايه
