السلام عليكم ورحمة الله وبركاته
استاذ ناصر لو سمحت عاوزه رايكم في اللي حصل
انا متجوزه من ٩ شهور ومش حامل ولا حاجه جوزي تعب فجأة ونقلناه المستشفى قالوا لازم يعمل عمليه بس عمليه كبيره شوية المهم اتحجز في المستشفى وعمل العملية ولازم يقعد أسبوعين على الاقل في المستشفى بعد العملية المهم انا مقصرتش معاه وكل يوم ارجع من الشغل عليه لحد ميعاد الزياره ما يخلص وتحسن وبقى كويس والدكاتره كانت قالت كله تمام وان شاء يخرج قريب بعد ٣ او ٤ ايام المهم أنا جالي سفر في محافظه تانيه تبع الشغل وهاخد بدل سفر وعموله كويسه جدا يمكن اكتر من مرتبي مرتين لو سافرت وربنا وفقني وتممت الشغل واستاذنته وفهمته بس هو رفـ,,ـض اني اروح واسيبه في الظروف ديه ( هو خايـ,,ـف من شكله قدام اهله ) المهم بعد تفكير انا صممت اروح عشان الفرصه ديه مش بتكرر كتير وروحت فعلا من غير ما اقوله يوم السفر وهو زعـ,,ـل وخـ,,ـرب الدنيا عليا رغم انه لسه تعـ,,ـبان وبابا راحله زياره وجوزي قعد يشتـ,,ـكي له تاني رغم انه اشتكى له قبل كده في التليفون عاد تاني نفس الحكايه فبابا هاوده في الكلام عشان ميعملش معاه مشـ,,ـكلة لكن هو تمادى وقال لبابا انت مش مقدر غـ,,ـضبي ومراتي مسافره اسبوع وانا مـ,,ـرمي في المستشفى وبابا اخر ما زهق منه قاله ماتبقاش انانى وطـ,,ـماع وتقف ضد مصلحتها ولا انت عاوز انت بس اللي في الصورة وتكبر وهيا كل مهمتها انك ترجع من شغلك تسخنلك الاكل ؟
جوزي قاله خلاص انا بس مستنى اقوم اقف علي رجلي وحقيم كل الي وقف جنبي وكل اللي اتخلي عنه وهشوف هتصرف إزاي وبابا صمم. وحلف عليا ارجع من السفر عليه. مرجعش بيتي غير لما جوزي يجي وبابا يشوف جوزي عاوز إيه وانا دلوقتي عند بابا بقالي أسبوع وهو طلع ومسالش عليا واخته كل شوية تكلمني تقـ,,ـطمني بالكلام واخر ما زهقت منها عملت لها بلوك ومش برد عليهم ومستنياه هو اللي يكلمني وده محصلش
أتصرف إزاي دلوقتي؟ ولو حب يضغط عليا اطلب الطلاق ولا اعمل ايه
إبعتلي اللينك لو سمحت يا استاذ ناصر
اه ملحوظه هو تعـ,,ـبه ده هيـ,,ـأثر عليه طول حياته واحتمال يأثر كمان على مجهوده في شغله ويقل الدخل كمان وهو عارف كده كويس يعني شغلي وتركيزي فيه ده مطلوب عشان البونص وهو هيحتاج مساعدتي لو رجعنا اصلا
