قصه أعـ,ـجبتني كنت همو..ت من الضحك
قصه أعـ,ـجبتني كنت همو..ت من الضحك اقراءوها يابنات للجميع بس كل واحد يمـ,ـسك نفسه من حوالي تلات اربع سنين كده
واحدة جارتنا عزمتنا علي فرح بنتها و عشان اصلاً الست دي محدش طايقها في عيلتنا محدش راح الا انا و الحاج ابويا اصلا ماكنش عايزني معاه هو كان عايز يروح يسلم من علي باب القاعه و يعمل الواجب و يمشي
و هو لابس و خارج بص لاقاني واقفه و لابسه و حطه الطرحه ام ترتر بتاعت المناسبات و حطه كميه ماكياج يشطبوا شقه قالي انتي عاملة في نفسك كده ليه يا بنت ال….. انتي خلاص قبلتي في السـ,ـيرك القومي
قولت بكل غـ,ـرور و كـ,ـبرياء دي الموضه يا حاج
قالي طب ابعدي عشان اخرج انا لابس قميص ابيض بدل مايتو.سخ بالالوان دي كلها
قولت له خارج فين رجلي على رجلك
قالي ايه هو ده لبس خروج يا بنت ال…..
قولت له بنفس الكبرياء و الغرور اي نعم
المهم خرجت معاه و انا بكامل اناقتي المعـ,ـهودة اللي انا مشهورة بيها في المنتـ,ـشقه و بعض المناتشق المجاورة
رحنا الفرح و انا انتشرت في كل ارجاء القاعه قولت يمكن اوقع عريس بدل ماروح ايدي فاضيه افرح امي باي حاجه اصلها دايما تقولي… من يوم ماخلفتك ماشفتش انا و ابوكي يوم حلو
عملت كل حاجة في الفرح… رقص و رقصت و غنا و غنيت و اصحاب العروسه يطلعوا علي المسرح اطلع معاهم برغم ان العروسه مش طايقاني و كانت بتزوقني برجليها و انا ولا في دماـ,ـغي و اصحاب العريس يطلعوا على المسرح اطلع معاهم
يقولوا قرايب العروسه يسقفوا اسقف قرايب العريس يسقفوا ايسقفوا
كان ناقص بس امسح الترابيزات و اقف بالمناديل قدام الحمام
كل شويه ابويا يقولي يلا نروح يا بنت ال…. الوقت اتاخر عرتيني اقول له اصبر بس يا حاج
لحد ما خلاص الحمد لله العريس و العروسه روحوا و المعازيم روحوا و عمال القاعه خلصوا و اطمنت علي كل حاجه صحيت ابويا ما هو كان نايم وبيشخر و قولت له بكل حزم يلا نروح بقي ما هو احنا مش هنبات هنا
كانت الساعة قولي تلاته قولي اربعه مش عارفه بس كانت الدنيا هوس هوس ندور علي تاكسي مافيش ابويا كل شويه يشتم فيا منك لله كان زماني نايم علي سريري
المهم الحمد لله لقينا ميكروباص رايح جنب البيت بس من علي اول الشارع السواق كان شكله مش مظبوط مسكت في دراع ابويا جامد قالي انتي خايفه منه اقسم بالله زمان السواق اللي مرعو.ب من شكل امك ده بالالوان دي كلها ده الراجل قاعد يقرأ قرأن من ساعه ما دخلنا
طبعاً كان من ورا قلبه ابويا كان فرحان بيا جدا من الداخل بس هو مش عارف يعبر عن مكنون مشاعره
المهم نزلنا من الميكروباص بعيد عن البيت وقلنا خلاص هنتمشاها وامرنا لله
واذ فاجئة نلاقي قبيلة كلاب من النـ,ـوع الحميري اللي انتي تشوفيها ما تعرفيش ده كلب ولا حـ,ـمـ,ـار؟
من بتاعت فرقة ال 7 سبعات متجمعين بمسافة 200 متر قدامنا وشكلهم كده بيوضعوا خطه للضـ,ـحيه اللي عليها العين وصـ,ـاينها وـ,ـحارسها ربنا دا اللي هو احنا يعني 😀
ابويا ماشي جمبي زي غرقان في عرقه و قاعد يدعي علي مين؟ مش عارفه هو كان بيقول منك لله اشوف فيكي يوم يا بعيده و مسك قلبه ذي مايكون عنده ذب..حه او علي مشارف جلطه
انا ماشيه جانبه ذي الجذ.مه ركبي بتخبط ف بعضها وامشي خطوه و ارجع تلاته واقول ياحج تعالا نلف من شارع تاني
يقولي نلف عليكي علي المستشفيات يا بنت ال….هو فيه طريق تاني غير ده؟
خايفه من الكلاب يابت دانتي خلاص كان فاضلك شويه وتبقي من فصيـ,ـلتهم :
لا ياحج مش خايفه بس تعالا نلف من شارع تاني اهو ع الاقل نجيب حاجه تتاكل بصلي كده من فوق لتحت و قالي هو انتي جعانه لسه بعد ماشربتي 15 كانز و 2 علبه جاتوه و نص تورته العريس و العروسه يا بنت ال….. ده فيه ناس كانوا بيقول لي قعد البت لا تسق.ط كانوا فاكرينك حامل
انا بصراحه بقيت مستحقره نفسي واحده عندها ف الوقت 25 سنه وخاي.فه من شوية كلاب وابويا جمبي ماشي زي الاسد الكاسر الوحش الم.دمر لا يهاب شئ والله اكبر والعزة لله ولله الحمد وخلاص قربنا ع الكلاب 😀
الجذمه بتاعي الرباط كان مفكوك قلت اربطه بحيث لو الكلاب قفشت ابويا الحق اجري ولسه بقوم وببص قدامي لقيت الحج جاي يجري عليا ويقولي اجري يابنت ال…. ….الكلاب هتاكلنا انا سمعت الكـ,ـلاب هتاكلنا من هنا ومادرتش بنفسي الا وانا قالعه الكوتش وقلت يا فكيك 😀
ابويا يا مؤمن اللي طول النهار رجلي وجـ,ـعاني وظـ,ـهري واجعني وعـ,ـظمي مـ,ـكسر سبحان الله الاقيه قدامي بيجري زي الرهوان 😀
عايزك تتخيلي معايا واحد ف منتصف االخمسينات بيجري ووراه واحدة ف العشرينات عشان خايفين من الكلاب دي كانت ولا حلقه من حلقات ابراهيم نصر ياجدع 😀
والحمد لله ف اليوم دا ابويا وصل البيت قبل مني بربع ساعه معرفش وصل ازاي مش عارفه؟ هو دخل الحمام غير هدومه كلها مش عارفه ليه؟
ً
اصل انا كمان حسيت بميه دافيه علي رجلي
بس باحمد ربنا والا الكلاب كانت هتاكلنا ..
وبحب اوجه الشكر هنا لكل اللي كان نايم وماشفش الفضيحه اللي كانت حاصله بشكر ابويا علي كل التضحية اللي ضحاها عشاني
#مامي_فرفوشة
