فاكرين حكاية “دكتورة منار” طبيبة حي السيدة ؟؟
هنا الزاهد قدمت مسلسل هايل عن قصة بنت دكتورة صيدلانية في قمة اللطافة والنضج، وليها جانب تاني محدش يعرفه وهي أنها مجـ,ـرمة خطيـ,ـرة ومستحيل حد يشك فيها.
نفس الحكاية دي حصلت زمان في حي السيدة زينب سنة 1980 لما اكتشفوا عيادة لطبيبة هربت بعد ما اتكشفت جرايـ,ـمها ولقوا في عيادتها حاجات مستحيل العقل البشري يستوعبها.
الموضوع بدأ لما راحت ست أربعينية قسم السيدة وهي بتستنجد بالشرطة وبتقولهم “ابني.. ابني ألحقوه بسرعة ابوـ,ـس ايديكم الدكتورة منار حبـ,ـسته في الخزانة”.
محدش كان فاهم حاجة من الست رحمة وخدها عسكري على جنب يفهم منها بتوضيح اكتر وقالتله “أنا اسلام ابني عنده سبع سنين، جاله دور برد وكحة وروحت للدكتورة علشان تكشف عليه عادي.. وطلبت مني انزل اجيب تحاليل وشوية أدوية من الاجزخانة الـ تحت.. مجرد ما نزلت وطلعت بقولها فين الواد بتقولي ابنك نزل وراكي أنا ايش عرفني روحي شوفيه في أي داهـ,ـية”.
العسكري كان شايف أن الغلط من الأم فعلاً وان الدكتورة ملهاش ذنب في ضياع ابنها، وقالها “طب مانزلتيش ليه شوفتي ابنك في الشارع.. الدكتورة ايه علاقتها أصلا ياست”.
الست رحمة انهارت وقالتله “لا لا.. أنا سمعته والله سمعته.. أبني صوته خرج من الخزانة وقالي يا ماما.. لكن صوته كان متـ,ـخدر.. لما حاولت افتح الخزانة وقولتلها ابني هنا رمتني برا العيادة هي والـ معاها وقالتلي هبلغ عليكي انك بتتعدي على مكان عملي.. ابوـ,ـس ايدك ابني معاها أنا سمعته.. الواد كان فايق وقالي يا ماما كان بيسـ,ـتنجد بيا، ابوس ايدك ألحقه قبل ما تعمل فيه حاجة”.
هنا العسكري بدأ يقلق وفعلاً استأذن من القسم وخد معاه اتنين من العساكر صحابه وراحوا مع الست على عيادة الدكتورة منار، واتفاجئوا بمنظر بشع…!
لقوا ابن الست متكـ,ـتف في كرسي خشب وفاقـ,ـد وعيـ,ـه ورجله مسنودة على كرسي تاني وكلها مترشـ,ـق فيها حقن في كل مكان وبتنـ,ـزف دـ,ـم غزير.
الأم متحملتش منظر أبنها ووقعت هي كمان من طولها، ولحقوا العساكر الطفل بسرعة ونقلوه على المستشفى والحمد لله اتلحق قبل ما يضيع.
راحوا العساكر بلغوا عن الـ شافوه ورجعوا تاني على العيادة لكن المرادي بحملة كبيرة من القسم علشان يستكشفوا المكان ده ويعرفوا إيه الـ بيحصل فيه بالظبط.
وللأسف اكتشفوا حاجات أصعب من الـ كانت في بيت ريا وسكينة زمان.
اكتشفوا أعـ,ـضاء لأطفال لا يتجاوز عمرهم العشر سنين، وبعد البحث الطبي أتضح أن كل الاعـ,ـضاء الموجودة في خزانة الدكتورة وغيرها في البدروم لأطفال ذكور فقط…!
طب إيه الحكاية ؟ وليه منار دي كانت متربصة لكل الأطفال الذكور بس؟؟
بدأت الشرطة تتحرك بسرعة وتاخد إجراءاتها لحد ما وصلوا لمعلومات عن الدكتورة بتأكد عدم ظهورها في أي مكان وأن ملهاش غير أم ست قعيدة ساكنة في الدوحديرة.
لما راح ظابط مُكلف بالقـ,ـضية دي للست أم منار، لقاها عايشة في بيت قديم يشبه البيوت المهـ,ـجورة، حتى الشقة مفيهاش عفش والست أم منار قاعدة على الأرض وتقريبًا كفيفة لأنها أول ما سمعت خطوات الظابط فضلت تقول “مين.. مين دخل”.
الظابط استعجب حالها، ازاي ست طيبة زي دي تنجب سـ,ـفاحة خـ,ـطيرة زي منار؟؟
حاول يتعامل معاها زي أمه وقالها “مع حضرتك الظابط فاضل من قسم السيدة زينب.. كنت جاي أخد منك كلمتين بخصوص هرـ,ـوب بنتك”.
الست كانت غلبانة جدًا وتايهة عن الدنيا وسألته “هي منار هربـ,ـت؟..قولتلها من زمان تهـ,ـرب لكن هي صممت تعيش هنا”.
ولما سألها فاضل عن حكاية منار بالتفصيل بدأت تحكي وقالتله:
_منار دي أنا شقيت عليها طول عمري، بنتي الوحيدة يا بيه.. ابوها مات وهي عندها خمس سنين، رفضت اعيش حياتي واجيبلها راجل تاني وعيشت أربيها واعلمها في احسن مدارس لحد ما بقت دكتورة قد الدنيا… لكن إزاي يا باشا كانت هتتساب في حالها وسط غابة كل الـ فيها بيتحامى في نسله؟؟.. منار ابوها كان حـ,ـرامي ومدـ,ـمن وله سجلات عندكوا، لكن منار ملهاش ذنـ,ـب تتعاقب بذنب مرتكبتوش يا بيه..
لما زميل منار في الجامعة حـ,ـبها وأعجب بأخلاقها وشطارتها، البنات التانيين معجبهمش الوضع، و ليه بنت زي منار بنتي تحب وتتحب وتعيش زيهم؟؟ استكتروا عليها الفرحة ودعبسوا وراها لحد ما عرفوا سر أبوها، وخلوا سمعتها على كل لسان.. بنت الحـ,ـرامي راحت.. بنت المدمـ,ـن جت.
البت اتعقدت يا بيه، واتكـ,ـسرت يا حبة عيني.
لكن الشهادة لله الواد زميلها متخلاش عنها، ودي يمكن حبل النجاة الوحيد الـ خلى منار تقدر تكمل تعليمها وتاخد شهادتها عادي.
واتخطبت منار لزميلها وتمت الجوازة بعد مشاكل ياما مع أهل الواد، ليهم حق هما مستوى بردو وبنتي على قد حالها متملكش غير أخلاقها في الدنيا ودول ميكفوش أنها تكون انسانة محترمة وسطيهم.
بعد الجواز بشهر واحد منار ربنا رزقها وحمـ,ـلت في ولد، وقتها قولت خلاص الدنيا رضيت على بنتي وقدرت تكون أسرة محترمة.
لكن اهل جوزها مسكتوش يا بيه… صحابها كسـ,ـروها زمان وأهل جوزها كملوا عليها.
كانت في الشهر التاسع وكلوها علقة مـ,ـوت في بطنها، لحد ما مـ,ـات العيل في بطنها ومش بس كده، ده الواد نزل متـ,ـكسر من كتر الضـ,ـرب واعـ,ـضائه مفصـ,ـولة عن بعض… لكن بردو مش ده كل الـ حصل يومها.
منار كانت بين الحياة والمـ,ـوت.. وعلشان تقدر تعيش ويلحقوها كان لازم يشـ,ـيلوا الرحـ,ـم الـ اتقطـ,ـع مع أبنها..
كان نفسها تكون أم.. أو حتى تكون إنسانة طبيعية متتعاقبش بأخطاء مش بتاعتها.
وعلشان بنتي في الدنيا من غير ضهر قررت تنـ,ـتقم في المجتمع كله، فتحت عيادتها وبقت تنـ,ـتقم في كل طفل عاش غير أبنها.
كانت شايفة أن الأطفال دول كلهم خدوا حياة ابنها ونصيبه، واتحولت منار لحيـ,ـوان جديد وسط الغابة، مهياش أولهم ولا آخرهم.
الظابط لسانه كان متلجم.. إزاي بنت قدرت تعاني من كل ده طول عمرها؟؟! إزاي قدرت تبان بالعقل والقوة الـ خلوها تفتح عيادتها وتمـ,ـارس مهنتها وهي من جواها ميتـ,ـة مليون مرة؟؟..
لكن وبرغم تعاطفه معاها، مقدرش يخالف مهنته هو كمان وقالها “أنا مقدر جداً حجم المعاناة الـ مرت بيه بنتك.. لكن بردو في ضـ,ـحايا كتير عايزين حقهم بالقانون.. وانا هنا علشان القانون الـ بنتك حذفته من حسبتها”.
وقبل ما يخرج الظابط من شقة الست أم منار، اتفاجيء باللـ بيخـ,ـنقه بسلك غليظ وبتقوله “كفياكوا ظلم فينا.. أبوها زمان لما قالي وريني مين هيجيب حقك يا تربية الشوارع أنا عرفت اجيب حقي بايدي.. ودفنـ,ـته هنا.. مكان ما هتـ,ـدفن انت كمان”.
وبرغم قوة الظابط إلا أن الحركة المفاجئة ذات نفسها مع قوة السلك على رقبتـ,ـه بدأت قوته تضعف اكتر واكتر لحد ما وقع على الأرض واستسلم تمامًا.
المفاجئة الأكبر أن أم منار لا كانت كفـ,ـيفة ولا قعيدة، كانت سـ,ـفاحة متنكرة زي بنتها بالظبط، بتعمل كل الـ تحبه بدون ما حد يشك فيها ابدًا.
ولحد دلوقتي محدش عرف منار هربت على فين ولا كملت حياتها إزاي.. منهم الـ بيقول انتـ,ـحرت ولقوا جثـ,ـتها في إسكندرية ومنهم الـ قالوا إنها فتحت عيادات في أكتر من مكان والجـ,ـرايم فضلت مستمرة في كل المحافظات.
لكن الأكيد من كل الحكاية دي أن في نسخ كتير حوالينا عندهم نفس الوشين.
وش برئ ومحب.. والوش تاني بيمـ,ـارس بيه أمراضه النفسية على ناس ملهمش ذنـ,ـب في اذيته.
گ/#شهيرة_عبدالحميد 🖤🖤🖤🖤🖤🖤
متنساش تشاركني برأيك في كتاباتي وتعملي متابعة وتعليق حلو بعد ما تخلص قرائتك 🖤🖤🖤
