المهم كنت عايشه معاه علي القد كان بيدني مصاريق الشهر ١٠٠٠ ج او ١٢٠٠ منهم كل حاجه ومفيش تموين ويقولي معلش استحملي هتفرج
مقدرتش استحمل وطلبت الطلاق علشان سلبيته وعدم تحمله المسؤليه لانه مكنش بيشارك في اي حاجه في البيت نهائي حتي لو حاجه باظت ميصلحهاش النجف الليد بتاعه باظ شاله وركب لمبات بعد مقعدت شهرين في الضلمه وكنت بشغل الكشاف
المواسير اتسدت طلبت منه يعملها علشان الحمام بيغرق
معملهاش الا لما الشقه كلها غرقت مايه
وحاجات كتيره جدا جدا
وكمان اناني يعني مثلا لو في اكل قدامه يخلصه بسرعه وانا ملحقش اكل ممكن ياخد اكلي من قدامي كمان
وحاجه كمان مش نضيف مش بيستحمي ممكن مره كل اسبوع او كل عشر ايام
مش بيطهر بعد الجـ،ـمـ،ـ،ـا..ع تخيلو ولما اتكلمت معاه يقولي مكنتش اعرف
مكنش يهمه تعبانه عندي بريوت واقفه علي رجلي طول النهار
المهم عنده وقت ميعوزني يلاقيني عايزني كل يوم
وانا بني ادمه بردو ليه قدره تحمل وهو طبعا كان بيتعاطي حاجات
وحاجات كتير جدا واسباب ملهاش عدد
جه في يوم ضـ،ـ،ـر.بني وطـ،ـ،ـر.دني من البيت وانا مردتش اروح قولت استحمل
بعدها بفتره صحاني من النوم علشان يتخـ،ـ،ـا.نق معايا وشتـ،ـ،ـمني بأوسـ،ـ،ـخ الالفاظ
قولتله عايزه اروح اتصل باخويا جه خدني فضلت قاعده اسبوعين عني اهلي مسألش مره عليه ولا رن عليه مره
روحت الشقه اجيب حاجات من هناك انا واخويا امه اتصلت بيه طبعآ جه جري ملحقناش واحنا هناك
اتصل بأخويا وقاله اختك متجيش الشقه الا لما تستأذن وانا اكون هناك
وكمان قاله اني سـ،ـرقت تلفون بتاعه تخيلو
دلوقت انا رفعت قضيه نفقه ورفعت خلع
انا كده غلطانه كان المفروض اوديله فرصه تانيه
مع العلم هو طلبني في بيت الطاعه وانا عملت اعتراض
انا نفسيتي تعـ,ـبانه وخـ,ـايفه قوي من اللي جاي
