مكنتش محتاج حاجة من حد برغم فقري، كنت محظوظ إني لما هربت من الملجأ بسبب الضر،،ب، وقعت في إيد ست طيبة. خدت بالها مني وعلّمتني حاجات كتير، أهمهم إن لو ما عملتش لنفسك كرامة، عمرك ما هتلاقي اللي يحترمك. ماتت بعد ما لقتني بسنتين، بس سابت في نفسي أثر طيب عشت عليه سنين بعد مو,,تها، وعوضتني عن العذ,,اب اللي شوفته في الدار أو في عين أي حد قالي: “إنت ابن حرام” وحاسبني على ذنب مش ذنبي.
اشتغلت شغلانات كتير عشان ممدش إيدي لحد، لحد ما رسي بيا الحال إني أشتغل غفير على محجر طوب. كانت ورديتي من بعد المغرب لحد ستة الصبح، وكانت قعدة الليل بتقلب عليا المواجع. ساعات أضحك وساعات تانية أبكي. راجل عايش يتخيّل أبوه شكله إيه وبيشتغل إيه، وأمه عايشة ولا ماتت، وبعدين يفتكر إنه “ابن حرام”. إحساس صعـ,ـب لما تحس نفسك جيت الدنيا غلطة ومحدش راضي يقبلك.
مكنش بيهون عليا قعدة الليل غير الحاج غريب اللي بيشتغل غفير في المحجر اللي جنبي. كنا بنقعد مع بعض نسهر، ونشرب شاي، ونأخد بالنا من المحـ,,&ـجرين بدل ما كل واحد يقعد لوحده. كنا بنحكي عن الدنيا بكل ما فيها من غِنى لفقر، لصحة لمرض، بس مكناش بنتكلم عن نفسنا خالص. لحد ما في يوم قولتله: “يا عم غريب، أنا جيت الدنيا دي غلطة.” فضل يضحك عليا لحد ما اتعـ,,ــصبت وقلتله: “يا راجل، يارتني ما قلتلك.” قالي: “يا بني، بضحك على الزمن اللي جمعنا، أصل أنا كمان جيت الدنيا دي غلطة، معرفليش أهل.” فضلنا نضحك أنا وهو لحد ما عيـ,ـطنا. وقتها كل واحد فينا حس بوجع الوحدة اللي عايش فيها من سنين.
طَّلع عم غريب الراديو بتاعه، وطِلع منه صوت الست وهي بتغني. فاتت أيام على أيام وعم غـ,ـريب يكبر في السن، لحد ما في يوم طلع جواب وقالي: “خلي ده معاك.” ضحكت وقلتله: “جواب رومانسي؟” قالي: “لا.. دي وصيتي، لما أموت نفذها.” فات سنة وما,,ت عم غريب وساب وراه وجع في القلب لا يمكن يروح. صاحبي الوحيد في أيام البرد والصيف، في الضلمة قبل النور، مشي وسابني لوحدي. فتحت الوصية بتاعته لقيت مكتوب فيها:
” عمك غريب ساب الدنيا اللي جه فيها غلطة. ساب الدنيا اللي كانت السبب في إنه يسمع كلام كتير يهينه. كنت فاكر يا بني الدنيا دي حاجة كبيرة، بس للأسف اكتشفت إني كنت حمار كبير. الدنيا دي أصغر بكتير من كل الهم اللي بنعيشه بسببها.
هتو,,حشني يا مرزوق، وهيو,,حشني القعدة معاك عند المحجر بكباية الشاي. فيه فلوس يا مرزوق، هي كل تحويشتي من الدنيا: مية ألف جنيه. هتلاقيهم في علبة خشب تحت سريري. خدهم واعمل بيهم أوضتين لأي حد زينا: غريب. وهات فيهم مُدرس براتب كل شهر يعلمهم قراءة وكتابة وقرآن، وخد الباقي ليك. على قرشين منك، وأتجوز.
الخير يا مرزوق هو الشيء الوحيد اللي لازم تعيش عشانه، وأوعى أسمعك تقول: “أنا جيت الدنيا غلـ,ـطة.” ربنا جابك لسبب، يمكن السبب ده إنك تعمل الخير، إنك تعـ,ـطف على إنسان، إنك تجبر بخاطر حد. كل ليل افتكرني وادعيلي، وأوعى تزعل، كلها كام يوم ويشوفوا غفير غيري، وأكيد هتتعرفوا وتبقوا صحاب. بس أوعى صاحبك الجديد ينسيك عمك غريب ❤️
#وليد_يسري
Waleed Yosry
