حدث بالفـ,ـعل … حكاية حـ,ـقيقية
النهاردة نزلت اقعد أنا و جوزى فى كافيه فى المقطم و نصيبنا جه جنب طرابيزة عليها ٢ رجالة و ٢ ستات و غـ,ـصب عنى الحوار بتاعهم داخل فى ودنى لإن الطرابيزات قريبة اوى من بعضها و كمان واحد منهم اللى هو بطل القصة السيد قشطة كان منفعل اوى و صوته عالى لإنه بسلامته عمال يقول بصوت عالى : أنا راجل دوغري و ماليش فى الكـ,ـدب 😂😂😂
بس أنا فعلا المليون جنيه مش معايا دلوقتى ☺️
هو شـ,ـكله أصلا يادوبك معاه اللى يدفع بيه ثمن الشاى و الشيـ,ـشة .
الجملة دى اتكررت كذا مرة بصوت عالى و لفت نظرى ان واحـ,ـدة من اللى قاعدين بتقوله يعنى انت مش بتنـ,ـام معاها فى الأوضة ؟
عايشين مع بعض و مش بتشوفها ؟
قام بسلامته الراجل الدوغـ,ـري قالها : اكدب عليكى لو قولتلك مش بشوفها لكن طبعا كل واحد فينا فى اوـ,ـضه 😴
هى بتنام مع العيال ….
بشوفها.. اه بشوفها … أكدـ,ـب عليكى ؟
و الفضوـ,ـل اخدنى اسيب جوزى بقى و قولتله سيبنى معلش دلوقتى جنبى قصة عايزة افهمها و اركز هى دى مين و مالها ينـ,ـام مع مراته فى الأوضـ,ـة ولا لا ؟
سمعت الاستاذ الدوغـ,ـرى بيقول لها: بصى بقى انتى ليكى انها على شهر ٨ تكون مطـ,ـلقة و دة كلام رجالة …. و شاهد عليا اخوكى و اختك الكبيرة 😳
أنا قولت فى عقلى …. يا نهار اسود دى البت جاية و معاها اختها و اخوها علشان يتفقو مع الراجل هايـ,ـطلق مراته امتى و بيشهدو على وعد سيد الرجالة 😢 حقيقي حاجة تحزن
و قعدو اكتر من ساعة بيقنعها تروح من بكرة الشقة اللى أجرها و قالها تفرشها على ذوقها و تصبر عليه لحد شهر ٨ لما يطلـ,ـق مراته
و عمال يحزق و يعلى فى صوته و يقولها : مش قادرة تصبرى عليا ٧ شهور ؟ ليا معاها فلوس و بيننا شغل 😂
أتاريه مفهمها انه هايجيله مليون جنيه على شهر ٨ علشان يديهم لمراته مؤخر و يطلـ,ـقها…
و اخوها يقولها أنا مصدقه
و هى مصرة انه يطـ,ـلق مراته
حوار صعب اوى و مستفز…
قلبى وجعنى على مراته اللى فى البيت بتربى العيال و نايمة فى الذرة وتلاقيها محضراله العشا و عادى بينام جنبها زى الدغوف…
أنا مستغربة لما عيلة زى اللى كانو فى الكافيه تجتمع على خراب بيت و وضع خطة لطلاق ست فى حالها … و قاعدة فى بيتها مطمنة
و استغربت اكتر جبـ,ـروت البت اللى قاعدة تتشرط على الراجل علشان يطـ,ـلق الست
و الغريب اوى كمان انه بيقولها مش هى قالت لك انها هايكفيها خمس الاف ؟
أنا هارميلها ١٠ الاف كل شهرين علشان اخلص و مايبقاش بيننا حوارات بس بعد شهر ٨
فا استشفيت كمان ان البنت دى اللى عايز يتجوزها واضح انها صاحبة مراته و مفضفضالها بحبة كلام أو قريبتها ، لانه كل شوية يقولها مش هى قالتلك كذا ؟؟؟
و فى نفس الوقت بيقولها ماقدرش اطلـ,ـقها ولا حد يعرف انى اتجوزت قبل شهر ٨
يا جماعة بجد خدو بالكم من الناس اللى بتصاحبوهم و يدخلو بيوتكم
خدو بالكم من الفضفضة و الداخليات مع الناس اللى حواليكم
بجد ليه ممكن ست تعمل كدة فى ست زيها ؟
و ليه راجل فى بيته ست صايناه يديها على قفاها كدة و يخطط لإنه يطـ,ـعنها فى قلبها ؟
و ليه اهل البنت دى موافقين اوى كدة على الخراب ؟
اعوذ بالله بجد
والله لولا انه عيب بس كان نفسي أصورهم و أحطهم عالفيس بوك علشان يتفضحو
لكن اخلاقى للأسف ماسمحتش
نفسي مراته تعرف و ينكشف اللى عامل فيها السبع الرجالة
الراجل الدوغرى اللى مالهوش فى الكـ,ـذب 😂
دة هو ماقالش حاجة غير كله كـ,ـذب…
و قامو و مشيو فى الاخر و قالو على خيرة الله 😂😂😂
الدنيا بجد مالهاش أمان
