جوزي عنده مكتب عقارات وزميلتي احتاجت شقه إيجار فكلمتني اللي اعرفه عنها أنها متجوزه وعندها بنت ومامتها عايشه معاها هيا وجوزها
لاكن احنا مش أصحاب يعني احنا زمايل فكلمت جوزي جابلها الشقه ورفض ياخد منها عموله علشان زميلتي وكدا وسكنت بقت تيجي عندي
بحجة انها زهقانه والكلام ده وانا مش بحب الاختلاط بس كنت بحاول اعدي بعد كدا طلبت عيش مره في مره في عشره وبعدين طلبت ميه
مره في مره وطبعا احنا بنشتري كل ده فانا كنت بديها والله وبدات اتضايق هيا مش قليله يعني ولا ظروفها وحشه هيا بتشتغل معايا في نفس
الشركه ومرتبها اعلا من مرتبي كمان لانها قديمه وبما ان انا اللي في الحسابات فعارفه مرتبها ماشاء الله بتقبض 13الف مش بحسدها انا
بقبض كويس بس بتكلم في انها مش فقيره وتقدر تشتري المهم قولتلها معلش انا مسافره عند ماما وواخده اجازه ده رقم السوبر ماركت
هيجيبلك كل اللي تحتاجيه وبالفعل روحت عند ماما شويه علشان انا حامل والوحم كان صعب عليا ولسه صعب رجعت من عند ماما تعبانه اكتر
فخدت اجازه من شغلي لاني مش بقدر اقوم بقت تتحجج تيجي تزورني فسألتها جوزك فين قالتلي انتي متعرفيش اننا اتطلقنا وعايشه انا
وبنتي وماما قولتلها لا والله مااعرف قالتلي معندكيش حاجه ساقعه قولتلها روحي خدي من التلاجه راحت وغابت قوي روحت قايمه اشوفها
لقيتها اقسم بالله العظيم فاتحه التلاجه وواقفه قدامها وفاتحه بقها مخضوضه من اللي في التلاجه من اصناف كانت ماما عملتهالي علشان
حامل ومش بقدر اعمل حاجه قولتلها كل ده بتجيبي قالتلي اصل زحمه ومش عارفه فين قولتلها اهيه بعد ساعه كدا جوزي جه جايب فاكهه
وبانيه وأنا كنت عامله مكرونه فجوزي دخل سلم عليها عادي وقاللي عامله اكل قولتله مكرونه وهعمل بانيه من اللي لسه جايبه قاللي لا
تعالي ننزل نتعشا بره قولتله ماشي ياريت تعالي ياست معانا رفضت ولقيتها بتقوللي استأذنك في قطعة بانيه لبنتي انا قولت في نفسي هو
حد بيشحت بانيه وكمان بصت في الكياس اللي جوزي جايبها افرض انا مش عايزه اطبخ اتحرجت وقولتلها حاضر ودخلت حمرتلها بانيه ليها
ولبنتها وطلعتلها المكرونه اتعشوا ومشيوا فجأه لقيت جوزي دايخ ومش قادر يتحرك ساعدته يطلع السرير ونام ومنزلناش بعد يومين بس رايحه
اجيب باقي البانيه من التلاجه اعمله والله والله لقيته نتن رميته يومها هيا جت بالليل وانا قيلالها جوزي موجود جت برضه وكانت اختي عندي
المهم جوزي قاللي انا نازل المكتب راحت قايمه واقفه وعايزه تمشي جوزي دخل الاوضه يجيب حاجه راحت قاعده طلع علشان ينزل راحت
قايمه اختي لاحظت راحت قالتله غيرلي اللمبه معلش قبل ماتنزل ودخلته وطلعت قالتلها انتي كنتي هتمشي تعالي اسجلك في الاسانسير
يلا ونزلتها بعدها بشويه هيا جابت رقمه من البواب ودخلت بعتتله واتس ان فيه حد في المكان بيعا,كسها وهيا ست ولوحدها جوزي أتدخل
وحل الموضوع وخلاص بقت تتصل بيه وتحكي تفاصيل في حياتها وهو اتضايق ومبقاش يرد عليها وقاللي اتصرفي متخليهاش تكلمني انا عندي
شغل ودي نازله رن طول اليوم فقولتلها لو سمحتي متتصليش بجوزي هو راجل مشغول لما تحتاجي حاجه كلميني شرشحتلي ياجماعه
اقسم بالله وبهدلتني وشت,متني وماما كانت عندي نزلتلها وهزقتها هيا ومامتها وانا غصبت ماما تطلع علشان الفضا,يح الاقيها بعتاله واتس تقوله
اي اللي انت متجوزها دي انت عبيط مش عارف قيمة نفسك انت اللي عاملها سعر الجربوعه عرة النسوا”ن وشتا,يم بقا من اللي تخض
وبتقوله لحد امت هتعمل مش شايفني انا اللي ههنيك واسعدك مراتك دي ولا تسوي وقالت عليا اللي مش فيا جوزي اداني التليفون شوفت
اللي كتباه وربنا ه مو,ت وانزل اضر”بها بس خايفه علي الحمل ومش عارفه اعمل ايه بجد مقهوره ومعملتلهاش اي حاجه من اي نوع
