السلام عليكم
أنا متجوزة فى بيت عيلة من سنة وزوجى بيسافر برة وانا قاعدة فى البيت عايشين فى قرية أهله فلاحين والدته ست كبيرة ووالده موجود
فى الحقيقة أنا مش قادرة أكمل حياتى ع الوضع دا
اول اجازة ساعة الجواز كان المفتاح بنسيبه فى الباب من برة فجأة وبدون سابق إنذار والدته بتفتح وبتدخل وفى اى وقت ولو لقيتنى قاعدة فى شقتى براحتى تقولى لا ماتقعديش كدة البسى اسدال علشان لو حد دخل…
حاطة زرع فى بلكونتى تطلع تفتح وتدخل تروى الزرع أنا وجوزى عايشين فى تو.تر وقلـ،ـق طول الوقت كل شوية تتصل ع موبايله انت نايم ليه انزل بتصحينا بمزاجها وتطلع تسهر معانا قدام التليفزيون لو خارجين لازم تلبس وتنزل معانا وتمسك فى ايده لو خرجنا يوم من غير ماتعرف يبقى يوم مش معدى لدرجة ان مامتى كانت عزمانا ع الغدا قالت أنا جاية معاكوا وجات قعدت طول اليوم معانا
ولما جه يسافر خيرنى تعيشى لوحدك ولا معاهم تحت قولتله لا أنا هعيش معاهم علشان هما ناس كبيرة وأنا اعملهم أكلهم وشربهم وأخلى بالى منهم وكنت بنزل من الصبح واعمل أكل واروق ولو حد فيهم تعب كنت بسهر بيه وأخلى بالى من علاجاتهم ولكن الموضوع تطور جداااا كل يوم عوزانى انزل الفجر أكون وراها هما فلاحين وعندهم مواشى عوزانى اطلع للفراخ واكنس لهم وانضف عوزانى أشيل برسيم بتطلب منى طلبات مش عيشتى ولا هى حياتى أنا كنت عاوزة أعيش معاهم لخدمتهم هما بس علشان هما ناس كبيرة ولكن مش خلصت من المشاكل دى طلعت دى نزلت ومشاااااااكل كتير مش بتخلص وبقت بتزعق فيا وتعلى صوتها وتسلط حمايا عليا لو خارجة حتى لو رايحة عند مامتى تقولى خودينى معاكى عاوزة اتهوى لو حد من اصحابى جاية ليا تطلع تقعد معانا
المهم طلبت من جوزى انفصل فى عيشة لوحدى مش قادرة ع الوضع دا ووافق وانفصلت عنهم
بس بردو مش بتخلص مشاكل معايا فى الطالعة والنازلة جوزى نزل اجازة ٢٥ يوم كانوا اسوأ أيام كل يوم الصبح الساعة ٧ ونص تطلع تصحينا وتقعد ع السفرة تقول عاوزة افطر يوميا نفس النظام وتقعد معانا ع الفطار ومش بتنزل تكمل معانا اليوم تقعد قدام التليفزيون وتتحكم فى كل حاجة فى شقتى لو حد جه لها تنزل وفى ثوانى تطلع تانى الغدا نفس النظام لو خارجين تلبس وتيجى معانا حياتنا كلها قلق وتوتر مش قادرة أعيش ع الوضع دا قولتله طب خودنى معاك شهر نقعد بعيد شوية قالى امى عاوزة تسافر معاكى مش هينفع سفر من غيرها قولتله ياابن الناس أبعت خودها هى قبلى تقعد معاك شهر ولما تنزل أبقى خودنى أنا رافض يقولى لا هى مش هينفع تيجى لوحدها طب بجد أنا حياتى هتفضل مرتبطة بيها كدة انا مش عارفة أعيش بجد
أنا صح ولا غلط ياجماعة حد يقولى؟؟؟
