من فضلكم انا محتاجه بجد حد يكون حد محترم وينصحنى بجد وبصراحه ملاقتش غيركم
انا ربنا ابتلانى بزوج بتاع ستات كل ما يشوف وحده ست ولا بنت يقعد يتكلم ويستظرف ويتعرف وبيبقى واحد تانى غير العيشه القر.ف اللى معيشهالى زعيق وبهد.له واحيانا بيضر.بنى ضر..ب مبررح والله لو تعرفوا انى قد ايه بنت ناس وهو كان بيبو.س التراب اللى بمشي عليه عشان اوافق انى اتجوزه لأن حالته الماديه وأهله على قد حالهم وأهلى وافقوو عليه
عشان أهله ناس طيبه جداااا والفقر مش عيب وهو كمان متعلم تعليم عالى وكان شغله حلو فأهلى قالو أن شاء الله خير خدوهم فقرا يغنيكم الله ادخل بقى فى الموضوع انا من الخطوبه وجوزى ده بيعاكـ،ـس اى حد يجي فى طريقه صاحبتى بقى بنت خالتى جارتى وكل ما اتكلم معاه يقولى لازم اعمل كده عشان يعرفوا انك اخترت راجل د.مه خفيف كنت بستغرب لانه مش بيعمل كده معايا انا اولى أنه يقولى الكلام الحلو وكده لكن كنت بصدقه لحد ..ما اتجوزت وبدأ بقى فى الهبل اكون قعده معاه فى مكان تلاقيه بيبص على واحده فعدة ف الترابيزة اللى جنبنا ويبتسم ولا كانى هوااا
ولا ليه اى وجود عايزة اقولكم انى صبررت كتير واقول بكرة يتعدل حاله وربنا اكرمى وخلفت ولد وبعدها بشويه لانى كنت وش السعد عليه نقلنا لشفة فى عمارة محترمه وبعد ما استقرينا بكذا شهر وكانت علاقتى حلوة بمرات الحارس وواحده جارتى فى الشقة اللى قدامى بس هى ست كبيرة وارمله هما دووول بس اللى كنت اعرفهم تخيلي بقى يا استاذة غادة انى قعده مرة ولا بيا ولا عليا الأقصى مررات الحارس بتـخبط عليه وبتقول بصراحه يا مدام عايزة احكيليلك على حاجه بس متزعليش منى وان هى مش عايزة تقول لجوزها وفكرت تقولى انا الاوول طبعا لما بدأت الكلام بطريقة دى انا قولت فى مصـيبه وفعلا اللى حسبتو لاقيتوو قولتلها ادخلى بس من على بابا الشقه وتعالى قولي عايزة ايه قالتلى بصراحه كده جوزك وانا بلم الزباله اعازكم الله فى الاسانسير لاقتو داخل عليه و…..
وبيقولى أنه عايز يركب الاسانسير فقلتلو مينفعش يا استاذ عشان صندوق الزبـ،ـاله كبير والاسانسير ضـ،ـيق قالى لا عاادى ودخل وانا كنت مضايقه محدش من السكان بيعمل كده معايا مدام انا بام الز.باله محدش بيطيق اساسا الريحه فقولت يمكن الاستاذ جوزك مستعجل عاادى لكن بصراحه لاقتو بيقولى مش خسااارة الادين الحلوة دى تلم زبااله دى حقها تتلف فى حرير طبعا أنا من ساعتها بعيط ومش عارفه احكي لجوزى لان اول ما هحكيلو ممكن يعمل عرااك وخايفه عيشنا ينقـ.طع من العمارة وانا حاسه انك ست محترمه فقولت اجى احكيلك انتى الاول عشان تقولى لجوزك يبعد عنى .طبعا أنا بالمت ومش عارفه اخد قرار رر
لو حكيت مع جوزى هينكرر وهيعمل مشاكل للست عشان فضـ،ـ،ـحتووا فعلا تعب اووى وزعلت على نفسي انا فى انتظار الناس المحترمه ربنا يجبر بخاطركم
