السلام عليكم ورحمة الله وبركاته
هحكيلكم حكايتي. وانتوا تحكموا بما يرضي الله ومش هزعل من. اي كومنت
دلوقتي انا كنت خاطب وامورنا كويسه سافرت بره ع ماتخلص تعليمها كان فاضلها سنة وتخلص كليه.. مخطوبين صالونات مش حب ولا كنا نعرف بعض اصلا.. جه ابن خالتها في نفس المكان اللي بشتغل فيه وبما اني اقدم واحد في الاصطف كله صاحب الشغل خلاني سوبر فيزر عليهم والحمد لله مفيش بيني وبين اي حد مشكله.. جبت ابن خالتها معايا واخدنا شهر ونص كله. تمام انا وهو بس في السكن لوحدنا هو بيخلص قبلي وع ماانا اظبط الحسابات والفواتير لصاحب الشغل بيكون هو راح يعني قبلي بساعه ونص تقريبا… في يوم روحت زي اي يوم عادي جدا دخلت الشقه. لقيته نايم وسايب فونه ع الشحن عادي فجاه لقيت المسنجر بيرن وانا والله بحسن نية قولت اشوف مين يكون حد من اهله هرد واقولهم نايم زي ماهو بيعمل ويرد علي اهلي وبينا محبه يعني مش اغراب اتفاجي الاقيها خطيبتي سبت الفون يرن عادي عملته صامت بس لقيتها بعد كده بتبعتله رسايل وتقولو رد عليا قبل مافلان ياجي عاوزه اتكلم معاك شويه مش بعرف اكلمك وهو جنبك… بصراحه كنت بقول ياارض انشقي وابلعيني وقتها سكت شويه وبعد تقريبا نص ساعه. لقيتها بترن تاني وبرضو عملته صامت فابعتت رساله بتقولو يافلان اصحي وحشتني. اوي عاوزه اطمن عليك ياحبيبي ” والله العظيم ده اللي شوفته بالنص)
اتمالكت اعصابي بالعافيه وبرضو سكت شويه وهو صحي ولما بص ف الفون بتاعه لقي رنات كتير بيقولي اختي رنت كتير اوي ربنا يستر وقام داخل الحمام اعزكم الله وبعدين دخل اوضته قلي هكلم البيت في نفس الوقت فضلت ارن علي خطيبتي الاقيها ويتنج فضلوا تقريبا ساعه الا ربع بيتكلموا.. وجيت كلمتها شويه بقولها كنتي انتظار مع مين قالتلي كنت بكلم صحبتي بطمن عليها عديت الموضوع وجه اخر الليل عملت نفسي نايم وبيني وبينكم اعصابي متوتره جدا مش عارف اعمل ايه…. لقيته دخل اوضته وسمعته وهو بيتكلم معاها وسمعت الجمله دي( مترنيش تاني غير لما فلان ميكونش موجود او نايم او انا ارن عليكي) وكلام كتير يعني… المهم سبته خالص ودخلت الفجر كده اوضته فتحت فونه كنت عارف الباسوررد وعملت زي تسجيل شاشه كده وبعته لنفسي وحزفت الرساله من عنده بس من جهته هو بس عشان ميحسش… عدي ع الموضوع ده شهر وانا مبقتش طايقهم خالص وابن خالتها نزل اجازة 4 شهور . وبتلكك وفعلا هيا طلبت اننا نفسخ عشان مبقتش اهتم وي وي.. الخ قولتلها ماشي بس هاخد شبكتي قالتلي لا طالما انت موافق بدون اي حاجه خلاص ملكش حاجه عندنا واخوها الكبير نفس الكلام اللي قلهولي هي قريبه والدتي بس من بعيد يعني ولغايه دلوقتي رافضين يدوني شبكتي مع العلم والله العظيم ماقصرت معاها في حاجه وخلوني جبت ب 90 الف دهب وكانوا بيتشرطوا عليا اوي قولت مدام لخطيبتي عادي دي هديه من ليها ويعلم ربنا انا تعبت ازاي ع ماجمعت الفلوس دي… دلوقتي مش عارف هل ابعت التسجيل ده ل اخوها وليها ولبابها ولا ايه عشان بجد اتخنقت اوي وسايب ده اخر كارت اي نعم اهلها صعبين جدا ولو وصلهم حاجه زي دي هياذوها جامد هيا وابن خالتها
رايكم ايه ياجماعه بس بدون تريقه او تجاوز بالله عليكم
