السلام عليكم ورحمة الله وبركاته
ياريت من غير غلط انا شاب اعزب عندي قريبتي نفس سني متجوزة راجل فرق سن بينهم كبير ومعاها طفل بس جـ,ـوزها طول الوقت يعتبر مسافر من قريب كدة لقيتها بتتعامل معايا بطريقة مختلفه شويه عن الباقيين بس محطيتش في بالي جيت في اول يوم العيد لقيتها بتكلمني وبتقولي علي فكرة انت اول واحد جيت في بالي اعيد عليك وكدة هو ينفع لو فاضي تيجي نخرج شويه عشان زهقانه وكدة بصراحة هيا من زمان اصلا بتصـ,ـعب عليا بحس ان الدنيا معانداها في كل حاجة فقولتلها ولو مش فاضي برضو عادي ورحت لما شوفتها من باب المـ,ـجاملة يعني بقولها ايه الشياكة دي ففرحت اوي شويه و لقيتها عمالة تفتح كلام زي عارف انا يعتبر متجوزة ع الورق بس يعني جوزي دة لو قولتله خرجني مكنش هييجي علي نفسه ويعمل زيك مع اني عارفة ممكن يكون كان عندك حاجة واجلتها عشاني وكدة هو لا والواحدة فينا اكتر حاجة تتعبها الاهـ,ـمال وهو فاكر ان عشان الفلوس اني هبقي راضيه معاه بس انا كنت عايزاه يبقي زيك بس ومكنتش هبقي عايزة منه حاجة تاني ووصلت انها دخلتني كمان في تفاصيل خاصة بينهم انا مينفعش اعرفها وتقولي انا واثقه ان محدش هيعرف اللي بقولهولك دة بس معرفش بحس برتاح لما افضفض معاك فقولتلها محدش هيعرف وانا مقدر اللي بتقوليه بس انا مش مرتاح ان يبقي في بيننا الكلام دة قالتلي علي فكرة انت جدع بس خد بالك ساعات الجدعنه في الدنيا دي بتبقي حاجز بيننا وبين حاجات كتير وبتضيع مننا فرص اكتر قولتلها سيبك مني دلوقتي لو مش متقبلة حياتك تستمر علي كدة انفصلي عنه عشان عمرك ميجريش قالتلي مش هينفع بس هو بالنسبالي جوزي اللي هيخلي ابني يعرف يعيش ويكبر في مستوي كويس مش اكتر ولو حرمته من دة هيكبر وهيكرهني انما انا مش حاسه اني ست معاه خالص وكل اما اتكلم تقعد تلف وتدور وانهاردة باعتالي بتشكرني ع الخروجة وان عايزاها تتكرر تاني انا مش عارف اعمل معاها ايه وكمان مش عايز الموضوع يكبر عن كدة وحاسس بالذنب جوزها مع ان فعلا شخصيته بشوفها مش سويه بس لما بيقابلني في اجازات مثلا بيعاملني انا بكل احترام و حتي امها مشوفتش منها حاجة وحشه واخداني ابنها هي متعرفش طبعا حاجة وبنتها مفهماها ان حياتها زي الفل في نفس الوقت هي انا مش عايز اصدمها او اتعامل معاها بطريقة تحسسها اني شايفها وحـ,ـشه فانصحوني انا مش حابب الوضع دة خالص
