السلام عليكم انا كنت والده من ثلاث شهور ربنا يرزقني بيونس اتولد عنده قصـ،ـور في القلب ونصف الرئه عنده ما كانتش شغاله المهم انا جوزي شغال قهوجي في كوفي شوب ربنا يعلم اللي جاي على قد اللي رايح لما اتولد يونس طلبو مني الدكتور ان لازم يتحطه في الحضانه للاسف ظروفنا ما كانتش تسمح كانت راحه اولد وفى جيب جوزى الف جنيه بس وقلنا كده للمستشفى ان احنا مش هنقدر نحطه في مستشفى خاص دورنا في المستشفيات الحكوميه ما كانش في مكان جوزي قال نسلمها لله وان شاء الله ربنا يعفي عنو وروحنا البيت من غير ما يدخلوا الحضانه طبعا كنا متابعين مع كذا دكتور كل يوم والثاني عند دكتور عشان حالته ما كانتش احسن حاجه بس الحمد لله كان ماشي الحال جاءت في مره حماتى طلبت مني اروح اشتري لحمه من عربيات الجيش اللي بتقف في ميدان الجيزه انا اصلا ساكنه في العمرانيه طلبت منها نشتريها من الجمعيات اللي حوالينا بتاعه الجيش برده رفضت وقالت لا العربيات بتبيعها طازه واحسن رحت اشتريتها من العربيات وسبت ابني مع حماتي هي قالت لي سيبيه عشان هترجعي شايله طلبات كثير مش هتقدري تشيليه هو كمان ولو صحي قبل ما انت تيجي هادي له ببرونه بتاعه ما تقلقيش.
المهم ورحت و رجعت لقيت الشارع كله تحت بيتنا والمطافى موجوده وعرفت ان شقه حماتي ولعت وابني مـ،ـ،ـات جوه ازاي فضلت صـ،،ـوت وانهـ،ـرت وكل الناس اللي حوالي كانوا فعلا بيحاولوا يسندوني المهم بتاع المطافي قال ان ده ماس كهربائي ..
اللى كانت بدعى له فى كل صلاة مـ،ـ،ـات وابوه راحه دفـ،ـ،ـنه بعد.وبعدين شكيت في حماتي ان هي اللي افتعلت اللي حصل بسبب حاجه واحد غرفه اللي ولعت كان فيها سرير وثلاجه ودولاب وجزامه وهي قبل الحريقه بيوم طلبت مني ان احنا ننقل الثلاجه والدولاب والجزمه نحطهم واحد في الاوضه الثانيه والثلاجه نحطها في الصاله وفضت الاوضه كلها على السرير بس ولما سالتها احنا ليه بنفضي الاوضه قالت ان هي بتحب تنام في الاوضه ديت وحاسه ان هي مكركبه جدا المهم بعد مرور شهر على موت ابني وانا عمال افكر في الموضوع وخصوصا ان بعض الحـ،ـ،ـاد.ث بيوم واحد رجعت الثلاجه والدولاب والجزامه مكانهم ثاني وقالت هابقى اشتري سرير مره ثانيه المهم انا قلت لجوزي كل اللي كنت شاكه فيه وقلت له قد ايه كانت مصره اني اروح اشتري من ميدان الجيزه نفسه عشان اغيـ،ـ،ـب كذ.بني وقال لي مستحيل وامي مستحيل تعمل كده ده حفيدها قلت له انا متاكده وانا هابلغ الشرطه ان امك عملت كده في ابني المهم ان هو قاعد جنبها وسالها وهي ردت ان ابني كان كده كده هيمـ،ـ،ـ،ـوت وكنا بنصرف عليه كل الفلوس اللي معنا وان احنا كنا تعبانين معه فهي حبه توفر فلوس ابنها وتعب ابنها على حفيدها وعلى شان كده مـ،ـ،ـوتت ابني اه حق ابني ود…م ابني في رقبتها سمعتهم هم بيتكلموا وهم الاثنين ما يعرفوش ان انا سمعتهم من رواء باب ودخلت عليهم زى المجنـ،ـ،ـ،ـونه وجهت جوزي وقلت له ان انا مش هاسكت وهاخـ،ـ،ـ،ـرب الدنيا جوزى ضـ،ـ،ـربنى وطلعنى شقتى وهو بيكتم بوقى وبعدها بساعه فضل يعيـ،ـ،ـط ويقولى بس دى امى مقدرش اذايها وطلب مني ان احنا الاثنين نخرج من البيت ده وهو هينسى ان كان لي ام في يوم من الايام وهيعتبرها مـ،ـ،ـاتت ولكن هو ما يقدرش يحـ،ـ،ـبسها هي امه سبته ومشيت رحت عند اختي انا ما ليش احد غير اختي دي بس وقاعده عندها لي اسبوعين حاسه اني مشـ،ـ،ـ،ـلوله ومش عارفه اعمل ايه
