السلام عليكم
تعديل : والله كل اللى فى البوست ده حصل ما تأليف 😅
انا كنت خاطب لمدة سنة وفركشت امبارح
انا شخص بحاول اكون ملتزم الحمدلله ، الحمدلله ربنا كرمنى و كنت التانى على الدفعة هندسة
اتقدمت لواحدة شخصية جميلة جدا وعلى الاتزام برضوا وعلى فطرتها وكنا بنحب بعض وكنا على وف_,,_اق
اتقدمت وانا فى اواخر الجيش، ابوها طلب 100 جرام زى اختها و100 جرام كان رقم كبير احنا وافقنا لاننا شارين البنت
حاولنا حتى نخليها 80 ونكتب 100 فى القايمة رفض تماما
ومارضيوش يعملوا خطوبة .. قال احنا مش بنعمل خطوبة
واهم شرط ان يكون فى فرح للاشهار .. قلت تمام مش مشكلة
بعد الجيش قعدت 6 شهور مكنتش لسة اتوف_,,_قت فى اى شغل ، وهى كانت صابرة و كانت واقفة جنبى وكان شعور جميل جدا
الحمدلله اتوفقت و اشتغلت فى مكان كويس فى القاهرة (واحنا مش من القاهرة ) .. ف ابوها شرط اننا نعيش جنب عمها ساكن فى القاهرة
والشرط ده كان اساسى
اهلى بصراحة كانوا رافضين تماماَ لان المكان بعيد عن الشغل (ساعة ونص ) والحتة شعبية اوى وزحمة والايجار فى نفس البرج 6 الاف
وانا كنت رافض شوية فى الاول .. ولكن قلت انها صبرت فعادى انى اضحى وانه نوع من رد الجميل وانها ابيض اوى ف ممكن تحتاجهم فى الغربة
بعد كدا ابوها شرط عليا انى اسيب مفتاح الشقة لعمها .. انا رفضت فى الاول وطنشت
بعدها كلمنى وقال لية ما سبتش المفتاح .. قولتله انا مش حابب كدا
قالى ليه ده اهلك ولازم تستأمنهم وكل الكلام ده
انا برضوا قلت فى سرى مش مشكلة اديتلهم المفتاح .. وقلت فى سرى بعد الجواز اغير الكالون سهلة
وعمها تالت مرة اتكلم معاه.. ااسلوبه كان وح_,,_ش ومع ذلك انا قلت مش مشكلة .. وكنت عمال اقول فى سرى هو ده اللى انا اصلا مضحى عشان اسكن جنبه !
وانا كنت مبلغهم اننا نحافظ على اسرار البيوت لان الطلوع والنزول كتير عندهم ممكن يكون ده سبب فى خ_,,_راب البيوت .. قالى لا اززاى ما تقلقش والخ
العفش شرط عليا انه يكون نضيف و خشب زان ولازم يكون كويس .. انا قلت تمام
بعدها عرفت ان المطبخ عليهم هما هيجيبوه مستعمل له 8 سنين تقريبا
انا قلت مش مشكلة لو مك_,,_سور او اى حاجة انا مبسوط و راضى
قبل ما اشترى العفـ,ـش اتصل قبلها بيوم وأكد عليا انه لازم يكون نضيف يا خلاص
انا اتضايقت انه بيتشرط كتير اوى .. ف قولتله اخبار المطبخ ايه ؟
قالى مستعمل كذا كذا .. قولتله انا بفكر اجيب مستعمل ايه رأيك ؟ قالى لا ماينفعش انت ما تتشرطش عليا واتعصب
قولتله انا هعمل بالمثل مش اكتر …انا مكنتش هجيب مستعمل بس كنت عايز اوضح اسلوبه رخ,,م
روحت جبت العفش من دمياط و الحمدلله ربنا كرمنى بحاجات كويسة
وتانى يوم اتصلت بيه اصالحه وان الموضوع مش مستاهل حاجة وان اهم حاجة ربنا يهدى سرنا
بعدها اتشرط عليا على المراتب السـ,ـرير .. وانه لازم يكون نوع معين
وانا برضوا قلت مش مـ,ـشكلة
قالى الشقة اللى انت فيها هتغيرها وهتسكن فى شقة تانى فى نفس البرج تبع الراجل وفى حد مستأجرها
بس احنا لسة مش عارفين المستأجر هيطلع امتى بالظبط .. قالى هتحجز القاعة يوم 2/2
قولتله لو الراجل ماطلعش قبلها ؟ قالى ايه المشـ,ـكلة العربون راح عليك
كنا بنتكلم بقى على القايمة .. المفروض بنكتب حاجة العروسة وحاجة العريس والدهب
حاجة العروسة والعريس بتبقى على حسب الفواتير .. الحاجات اللى اتجابت من اول معلقة لحد اوضة النوم
قالى انا مش بعتمد فواتير انا هحدد المبلغ من عندى
قولتله كام .. قالى مليون + 100 جرام دهب
الرقم كان كبير .. قولتله بناءَ على ايه جبت المليون ؟
انا حاجتى كلها ما تكملش ربع مليون (الخمس اوض)
هل حاجة العروسة مليون الاربع ؟
قولتله بما اننا جبنا الدهب زى اختها يبقى القايمة زييها .. كانوا كاتبين 400
قالى لا مش زى اختها .. قولتله اشمعنى الدهب زى اختها و القايمة لا
راح اتصل بعم البنت التالت .. وجة قعد معانا
قولتله 1 2 3 واننا حسب الفواتير
قالى كلامك مفيهوش مشكلة .. قولتله هو عايز يكتب مليون
قاله لا كتير مليون
قاله احنا يبقى زى اختها ونزود 100
يعنى 500
ا لبوها قال لا انا اللى احدد مش انتوا
فقولت لعمها خلاص تعالى نقدرها سوا كدا سريع بدون فواتير
انا حاجتى يقارب 250 وعمها قال الاجهزة هو اللى جايبها ب 100
قولتله باقى الحاجات ممكن 150
ف يعنى 500 .. فقال اه 500 معقولة
ف ابوها رفض تماماَ قال يا مليون يا خلاص
انا اتضايقت اوى من المعاملة .. كلمة يا خلاص دى بالنسبالى صعبة
قولتله ياحاج انت بتطلب طلبات كتيرة صعبة وانا عمرى ما اعترض حتى المطبخ مستعمل وانا راضى ومبسوط
ليه بتعمل كدا ؟
كلمة من هنا وكلمة من هنا وانا اعترف ان صوتى على جامد وده غلط منى ولكن من القهر والشروط .. هو ضارب القايمة الضعف
بيقولى انت خايف من حتة ورقة ؟ قولتله لا والله مش خايف انا نيتى خير وهشيلها فوق راسى ربنا يشهد
ولكن ده ظلم .. الحق ما يزعلش حد .. القايمة المفروض بالفواتير او بالتقريب… ف ده الحق
انما الضعف بدون سبب ده غريب
قالى انا مش مستأمنك على بنتى وده اللى عندى
انا بصراحة اعتذرت وقلت انا اسف ليكم بس انتوا كدا مش شارينى الموضوع قلب بزنيس خالص
وسبت الدبلة واعتذرت وقبل ما امشى قولت الموضوع باظ بسبب الشروط والضغوطات الكبيرة من البيت عندكم
الموضوع فعلا بيزنس صرف
كل شوية يعمل بايديه حركة الفلوس دى بصباعه
خلى ابوك يطلع اللى تحت البلاط .. معاه فلوس كتيرة
اضغط عليه خليه يطلع
البنت مع الاسف ترجمت كلامى انى ممكن فى المستقبل فى اى وقت انى هطلقها
وهى دايما واقفة مع ابوها .. من اول موضوع المفتاح والعفش والشروط
دايما بتقول : ده بابا وله احترامه
وبتقولى انت مش شارينى وهكذا .. مع انى والله قولتلهم اكتر من مرة انى هشيلها جوا عينيا وان اولويتى الاولى والاخيرة انى اسعدها
شروط شروط شروط بلا سبب خلى الموضوع باي,,خ اوى وانها وقفت فى صف ابوها ده برضوا من جوايا ضايق,,نى خصوصا انى بتكلم فى الصح
حاليا علملتى بلوك من كل حتة واعتقد وصلنا لحيطة سد
هما ناس كويسين و هى بنت حلال و طيبة وعلى نياتها .. ولكن كل شئ اسم ونصيب الحمدلله
هل انا غل,,طان وظل,,متهاظل,,متها
