السلام عليكم
مشـ,ـكلتي اني متجوز ف بيت عيله بقالي 7سنين عايش ف نقار مش عارف امي بتحب مراتي ولا بتكرهها. كل شويه تعمل معاها مـ,ـشاكل من غير اسباب وتشتمها بافظع الالفاظ وتشتمها بأهلها وابوها وامها اكتر من مره. ومراتي للأسف مبتعرفش تدافع عن نفسها بأي كلمه حتى ولو تقولها بلاش شتـ,ـيمه. المشكـ,ـله إني ف اوقات ببقى موجود وقاعد فوق وسامع اللي بيحصل بس مش بنزل علشان عارف ان امي مش هتقدر اني نزلت وتسكت وساعتها هبقى شكلي مش كويس قدام مراتي لانها بتتهزق من امي قدامي بدون سبب
وانا مدافعتش عنها. ممكن تشـ,ـتمها مثلآ ع اكله عملتها او علشان لو حد من اخواتي الصغيرين قالولها عملولها حاجه وهي اتنرفزت عليهم. تقوم امي تزعـ,ـق فيها وتهينها قدامهم وتقولها ملكيش كلام عليهم تقولها ده قل آدبه عليا وانا زعقت فيه. مع العلم اخواتي 12 و13 سنه.. المشـ,ـكله من كتر كلام امي بالطريقه دي واخواتي بيسمعوها وعارفين انهم ممكن يعملو اللي هم عايزين ومراتي مش هتقدر تعملهم حاجه. بقو يزيدو اكتر واكتر.. وحاجات كتيره قوي. المشـ,ـكله دلوقتي اني مسافر بره مصر وكل شويه المـ,ـشاكل تحصل من امي. ومراتي نفسيتها بقت تحت الصفر من كتر الضـ,ـغط وكل شويه صداع بسبب الضغط اللي عليها. المشـ,ـكله اني لما باجي اتكلم مع امي بتبقى مش عايزاني ادافع عن
مراتي يعني آخر مره مراتي كانت بقالها ٣ شهور مراحتش عند اهلها بسبب ان امي مش راضيه ولما قالتلها روحي إديتها ميعاد ترجع فيه. كلمتني مراتي ف اليوم اللي المفروض ترجع فيه وقالتلي عايزه اقعد كمان يوم علشان الجـ,ـماعه ماسكين فيا. جت امي لما رجعت بهدلتها. واتصلت عليا قالتي مراتك راحت عند اهلها وانا مكنتش راضيه وقولتلها روحي وتعالي بعد المغرب. مراتي كانت قايلالي انها كانت مديها يومين وحلفت ع كده. المهم علشان انا طولت عليكم. الموضوع كبير قوي قوي ومش عارف اعدله ازاي ومش عارف ادخل ابويا ف الموضوع لان ابويا مبيسمعناش ولو اتكلمت معاه مش هعرف احكيله ولو فهمني ممكن يضـ,ـرب امي. انا تايه ومش عارف احل الموضوع ازاي ومش عايز اعزل علشان اخواتي متجوزين ومحدش هيخدم اهلي مع العلم مراتي بتعمل اكلها لوحدها فوق ومبتاكلـ,ـش تحت خالص.بتنزل الساعه 7 الصبح تفضل اليوم كله تحت تطلع تاكل وتنزل تاني. لو حد عنده حل بالله عليكم.
اللهم صل وسلم وبارك على نبينا محمد
