انا في كـ,ـارثة انا كنت بعتلكم مرتين قبل كدا أنه جوزي دكتور و عنده ممرضة سورية و هي دخلت حياتنا من سنة و الولاد بقوا يحبوها اكثر مني و هي بتقعد تلعب معاهم و تذاكر لهم لحد ما ابني الصغير في مرة قالي أنه عايزها تيجي تعيش معاه و مش عايزني في البيت و انا بعدها خدت إجازة من الشغل عشان ارجع حياتي زي ما كانت في الاول قبل ما تظهر البنت دي
فشلت لا أكل عاجبهم و لا أي حاجة بعملها بقالي شهر تقريبا واخدة إجازة و لحد دلوقتي ولادي عايزين يقضوا اليوم كله معاها في بيتها مش معايا و بيفضلوا يزنوا لحد ما اوديهم و لسة جوزي بياكل اكل سوري من ايديها ” حتي رافض اكل المطاعم هو عايز اكلها بس ” بيتغدي معاها في العيادة بليل
مكنتش عايزة اقولها تبعد عنهم عشان مبانش غيرانة و تبقي نقطة ضعف واضحة يمسكها عليا فتجاهلتها خالص
المصيبة أنه جوزي امبارح بيقولي أنه عايز يتجوزها و هو مش هيتقدم لها إلا لما انا اخد قرار اني اكمل معاه و هي تبقي زوجة ثانية ، أو انفصل عنه و ساعتها هو هياخد الولاد و كل واحد يروح لحاله .
هو قالي اني هشوفهم وقت ما احب و ليا اخدهم يومين في الاسبوع و اسبوع في نص السنة و ثلاث اسابيع في إجازة الصيف كل شهر اسبوع
انا مش عارفة اعمل ايه انا مليش أهل اخد رأيهم غير جوزي و جوزي هو طرف المشكلة .
من ناحية انا بصراحة عايزة ارجع شغلي و انا مش مبسوطة بقعدة البيت ، مسئولية البيت تنضيف و ترويق و طبخ متعبة اكثر من شغلي برا البيت .
و من ناحية ثانية انا مليش حد ثاني في الدنيا غير جوزي و اولادي حتي صحباتي اللي كنت فاكراهم صاحباتي لما عرفوا أنه انا سبت الشغل و قعدت في البيت مؤقتا قطعوا معايا عشان فضلت بيتي علي شغلي و رافضين يكلموني قبل ما اسيب البيت خالص و ارجع شغلي و اتطلق كمان
انا مش عايزة اتحرم برضه من ولادي و مش هقدر اخدهم منه بالقانون رغم أنه في صفي لأنه ممكن يضرني في شغلي ، هو صديق صاحب الشركة و هو اللي شغلني فيها من البداية و كان صريح و هو بيقول الولاد خط احمر و أنه مستعد يقلبها حرب عشانهم . و انا بصراحة شغلي اهم حاجة في حياتي
و من ناحية ثالثة انا كرامتي متسمحليش انه يبقالي ضرة منظري قدام الناس و صاحباتي هيبقي عامل ازاي
حد عنده حلول و ازاي اخرج من الأزمة دي ، انا مليش غيركم من غير تجريح لو سمحتم
